121/2024-2025 

Mamit 9th April, 2024 : Excise & Narcotics, Mamit te chuan vawiin khan Bawngva khua leh a chhehvela zu siamna hmun vaiin beihpui an thlak.

Bawngva khua leh a chhehvelah hian Zu thlawrna bel set 3, Zu bilhlai tin 150, Rakzu litre 15 an man bakah zu thlawrna hmun 7 tihchhiat a ni a. Ni 5.4.24 pawh khan N. Sabual khua leh a chhehvel luhchhuahin zu siamna hmun 12 tihchhiat a nih bakah zu siamna hmanrua leh zu thahnem tak an man tawh bawk a ni.

Pu Lalsangzuala Ralte, Asst. Commissioner, E & ND, Mamit chuan kan hma lawka MP Election tluang taka kan neih theih nan zu leh ruihhlo dang lakah mitin fimkhur a, inhnamhnawih lo tur leh inthlanna felfai tak a awm theih nan ruihhlo vanga boruak tha lo siam lo turin District chhung mipuite chu a chah a. Excise Department, Mamit chuan theihtawpchhuahin zu leh ruihhlo dang an zawng zel dawn tih a sawi bawk.

N.Sabual leh Bawngva khuate hi Mamit khawpui atanga hnaite zu siamna hmun awmna a ni.