Nimin 12 leh 13 September 2013 hian Lawngtlai District-a NLUP dawng tura thlan chuah chhungkaw 1774 te hnenah NLUP thawh thumna leh thaw lina chu sem a ni a. Line Department hrang hrangten tanpuina hi khaw thlan chhuah pathumah a huhovin an pe chhuak a ni.

Tuichawng Cluster tan nimin 12 September 2013 khan Chawngte ah sem chhuah runpui neih a ni a, he hunah hian Bialtu MLA leh District Level NLUP Monitoring Committee Chairman Pu Nirupam Chakma chu khuallian niin Dr. BD Chakma, CEM, CADC chu khualzahawm a ni. Nimina Chawngte a NLUP semchhuahna ah hian Horticulture Department in chhungkaw 30, Agriculture in chhungkaw 308, Industry in chhungkaw 123, AH & Vety in chhungkaw 193 leh Fisheries in chhungkaw 15 an vaiin chhungkaw 669 hnenah an pe chhuak a.

Bungtlang South ah pawh nimin vek khan hetiang hian NLUP thawh thumna leh thaw lina semchhuah a ni bawk a. Fisheries atangin chhungkaw 34 hnenah, Agriculture atangin chhungkaw 23, Ah & Vety atangin chhungkaw 210, Horticulture atangin chhungkaw 21, Soil Department atangin chhungkaw 40 hnenah leh Sericulture atangin chhungkaw 1 hnenah, an vaiin chhungkaw 329 hnenah pek an ni.

Vawiin hian NLUP hi sem chhunzawm a ni a, Vaseikaiah Lawngtlai West Cluster leh Tuichawng Cluster-a khaw thenkhat tan hetiang hian semchhuah a ni. Horticulture atangin chhungkaw 53, Agriculture atangin chhungkaw 448, Fisheries atangin chhungkaw 56, AH & Vety atangin chhungkaw 194 leh Soil Department atangin chhungkaw 25, an vaiin chhungkaw 776 hnenah semchhuah a ni.

Ti hian nimin leh vawiina NLUP dawng zat chu chhungkua 1774 zet an ni.