Vawiin khan I&PR Conference Hall-ah chhiarpui chungchang, ‘Data Dissemination Workshop on Primary Census Abstract (PCA) of Mizoram - 2011 Census’ tih thupui hmangin zirhona neih  a ni.

Indiaramah kum 10 dan zelah chhiarpui neih thin a ni a. February ni 9 atanga ni 28, 2011 chhung khan Mizoramah pawh chhiarpui hlawhtling taka neih a ni. He chhiarpuiah hian data chi hrang hrangte lakkhawm a ni a, chung data chi hrang hrang lakkhawmte chu a tlangpui thu in mihring zat te, Scheduled Caste  leh Scheculed Tribe zat te, ziak leh chhiar thiam zat te, kut hnathawk chi hrang hrang zat leh pianphunga rualbanlo zat te an ni.

He workshop ah hian 2011 chhiarpui a data lakkhawm hrang hrangte ngaihthlak leh zirho a ni a, chu chu a khaikhawmna angin Primary Census Abstract tiin vuah a ni.

Workshop hi Deputy Director of Census Operations Pu Lalhmingthanga’n a kaihruai a, Pu Lalbuanga Sailo, S.I. Gr-I; Pu Saithuama Sailo, S.I. Gr-II, Pu Rajib Sinha, Sr. Compiler leh Pu N. Ajit Singh, Compiler ten powerpoint presentation hmangin Primary Census Abstract (PCA) of Mizoram - 2011 Census hi an hrilhfiah a ni. India rama chhiarpui neih thin dan leh kalpui thin dante a tlangpui a sawilan a ni a. Chhiarpui hi thawhkhatna leh thawhhnihna a neih thin niin thawhkhatna hi Houselisting & Housing Operations tih a ni a, thawhhnihna chu Population Enumeration tih a ni. Primary Census Abstract bakah Biometric Enrollment hi Mizoramah neih leh tur a ni a. Chumi atana inbuatsaihna leh hmalaknate pawh he Workshop-ah hian zirho niin a tih dan tur thenkhat pawh entir a ni.

Workshop hi sorkar department hrang hrang aiawh, tlawmngaipawl hrang hrang leh tualchhung chanchinbumiten an chhim a ni.