Lawngtlai District Magistrate in Cr. PC Section 144 hmanga ui leh ran dang pawna zalen taka chhuah a khapna keng kawh tura din Enforcement Squad/Team te chuan, tukin zing khan Lawngtlai Town Area chhunga ui tual leng an vai a, ui pali an man.

Lawngtlai District Magistrate Pu. J Hmingthanmawia, Deputy Commissioner, ni bawk chuan thla hmasa 8th August khan Cr.PC Section 144 na tlawh chhanin ran, a bikin ui zalen taka khawlaia tlat tir a khap a. He khapna thupek keng kawh tur hian Enforcement Squad dinin an Chairman chu Pu Vanlaltanpuia, MCS, SDC Lawngtlai niin, Secretary-ah Pu Singh-a, O/C Lawngtlai Police Station a ni.

Tukin zing dar 6 atang khan Lawngtlai khawpui chhunga veng hrang hrangte chu Chairman ho hian fangin veng pathum Bazar veng, College Veng leh Chanmari veng te an hrut chhuak hman a, heng an kalnaah hian Bazar vengah ui pathum leh Chanmari-ah ui pakhat, a vaiin ui pali an man a ni.

Special Drive hi Lawngtlai khawpuia YLA, VC leh NGO hrang hrangten an thlawp tha hle a, tukin pawh hian veng hrang hranga YLA, VC leh NGO lam ten an tawiawm a hun remchang danga la chhunzawm leh turin ruahmanna an siam zui a ni.