Public Work Department Mizoram chu Bureau of Indian Standard (BIS) in ISO/9001:2008 (Quality Management System) ah ISO Certification a rawn pe a. An License number chu QSC/L-5002399.1 a ni.

Hetiang License nei tur hian a Department hnathawh dan kalphung (system) hrang hrangte Bureau of Indian Standard in vawi tam tak a enfiah (Audited) hnu ah pek tlakah ngaiin hetiang Certificate hi a pe ta a ni. A Certificate hian kum thum chhung a huam a, hemi chhung pawh hian Bureau of Indian Standard hian kum tin vawi khat tal a rawn enfiah (Audit) ziah dawn a ni.

Hetiang Certificate nei tur chuan hnathawh dan system fel fai leh langtlang Department/Organisation nih a ngai. Chutiang ni thei khawp department Mizoram sorkar hnuaia a awm thei ta hi thil chhuanawm tak a tling a ni.