Vawiin hian Lawngtlai District huam chhunga 2nd Phase NLUP Piggery thlangtu chhungkaw 447 te hnena sem tur vawkte 1788 chu Dr. Lalnunhlima Ralte, District Vety Officer chuan a vailiam.

Heng vawkte te hi Beneficiary pakhat hnenah pali zela pek tur ani a, vawkte bakah hian a chaw leina tur leh vawkin sak chhunzawm zelna tur atan Rs 34,950 theuh pek an ni bawk dawn a ni. Heng vawkte sem turte hian nizan dar 11:00Pm khan Lawngtlai an lo thleng a, Lawngtlaiah hian chawl khawmuang lovin a semna hmun tura thlan chhuah Chawngte Centre leh Parva Centre te panpui nghal an ni a, vawiin leh naktuk chhunga a dawngtu turte hnena hlan fel vek hman tum a ni.

Heng vawkte te hi a neituten an lak dawnah damdawi pek vek an nih tur thu Dr. Lalnunhlima Ralte hian a sawi a, chu damdawi chuan an rawl leh taksa khamte a ti reh ang a, harsatna an tawk chhunzawm lo turah kan ngai tiin a sawi a, tun tuma vawkte sem te phei hi chu an lian tha hle a ni a ti bawk.