No.1616/2020-2021  

Lawngtlai, Nikir thla ni 2, 2020: Lawngtlai District mi leh sa state pawn atanga lo hawte chu an lo thlen belh zel a, vawiin tlai dar 7:00 thleng khan khung hran (quarantine) mek mi 559 an awm.

Vawiin khan Goa atangin mi 24 leh Pune (Maharashtra) atangin mi 4, an zavaiin mi 28 (mipa 8 leh hmeichhia 20) te chuan Lawngtlai lo thleng ve lehin, Govt Lawngtlai College-ah screening tih a ni a. ANM School Lawngtlaiah mi 18, Medical Quarters-ah mi 6 leh Tourist Lodge-ah mi 4 dah an ni.

Hetih lai hian Red Zone atanga lo haw quarantine mekte chu RT-PCR test tih vek tur a nih angin medical team te'n an swab sample an laksak mek a. He'ng sample-te hi test turin ZMC-ah thawn a ni ang.

Tuna Lawngtlai District-a quarantine dinhmun chu heti ang hi a ni:

1. Govt Lawngtlai College - 117

2. DIET, Lawngtlai - 82

3. Medical Quarters, Lawngtlai - 93

4. Don Bosco School, Lawngtlai - 76

5. Circuit House, Lawngtlai - 53

6. Tourist Lodge, Lawngtlai - 26

7. Covid Care Centre, Lawngtlai - 15

8. ANM School, Lawngtlai - 18

9. Circuit House, Chawngte 'C' - 32

10. Tourist Lodge, Chawngte 'C' - 18

11. LADC Rest House, Chawngte 'P' - 4

12. Home Quarantine (Lawngtlai) - 25

Total - 559