No.1615/2020-2021

Vawiin chawhnu dar 2:00pm khan DC conference hall-ah District Level Task Force on Covid-19,Siaha District ten nimina Covid-19 +ve hmuhchhuah thar mi 12 te boruak leng velah engtia hmalak tur nge tih ngaihtuahin emergency meeting an neih.

Vawiin meeting hi District Bawrhsap leh DLTF chairman ni bawk Pu Bhupesh Chaudhary,IAS in a kaihruai a. Pu Bhupesh chuan vawiin emergency meeting kan neih chhan hi Covid-19 hri vei thar mi 12 an hmuhchhuah te avang hian Siaha district mipui hi lo chiai vak tur kan nih lo thu mipui te hrilhhriat tur te leh State pawn lam atangin kan mi leh sa te an lo thlen belh mek zel lai hian; tunaia inven dan tha zawk a awm em? tih ngaihtuah tur leh kan hmalak tawhna te thlir let a, hmasawnna tur a la awm em? tih te sawiho tura emergency meeting hi koh kan ni, a ti.
Bawrhsap chuan Covid-19 dona kawnga thahnem ngai taka thawktu te zawng zawng chungah District administration hmingin lawmthu ka sawi tak zet a ni, a ti.

Vawiin meeting chuan ni 3 chhung(3rd-5th June, 2020) Total lockdown kalpui turin rel a.He ni 3 chhung hian Medical team ten quanrantine facilities atanga chhuak ta Tamil Nadu atanga lo haw mi 132 te, Contact tracing buaipuiin,a tul angin Swab test pawh lak zel a ni ang.

Pi B.Malsawmtluangi SDO(S), officer i/c Kitchen Management Committee, atangin report ngaihthlak a ni a. Tunah hian Rs.10 lakh vel hman tawh niin, Rs.20 lakh chuang leiba an nei mek thu dawn a ni.

District administration in Covid-19 do nan GoM atangin Rs.17 lakh chauh pawisa an dawn thu report a ni a. DC relief fund-a tanpuina tangkafai Rs.6,78,000/- lut pawh hman zawh vek tawh a ni.

Vawiin ni thlenga QF a khunghran mek te chu an vaiin mi 909,mipa-502 leh hmeichhia-407 an ni a, QF 25-ah khunghran mek an ni. Kalkawnga lo thang mek mi 172 an awm bawk.

 Vawiin DLTF emergency meeting chuan QF a khunghran mek te tan tanpuina hlan tu mimal,pawl leh kohhran hrang hrang te hnenah lawmthu sawiin;   kan indaih lohzia erawh mipui ten hria se;  mi inphal te an lo luangchhuah zel theih nan   mipui hnena ngenna hial siam  thain a hria a, a bawhzui turin DIPRO leh MJA te ngen an  ni.