1232/2026-2027

Lawngtlai,30th June 2026 : Vawiin khan Lawngtlai bawrhsap leh Chairperson, District Disaster Management Authority (DDMA) nibawk Pu Donny Lalruatsanga kaihhruaiin District Disaster Management Authority (DDMA) ten Kaladan Multi Modal Transit Transport Project (KMMTTP) NH-502 A  kawngpuia chatuan leimin chu a hmunah kalin an enfiah.

Pu Donny Lalruatsanga chuan chatuan leiminin harsatna nasa tak a thlen thin chu mimal tak pawha veiawm a tih thu sawiin, chak zawka hmalak mek zel a ni, a ti a. Kumin bikah pawh vawi tam tak leimin vanga  mipuiten harsatna an tawh thinah chak taka hmalak zel a nih thu a tarlang a. Kawngpui pawimawh tak, khaw tam takin ei leh bar an lakluha leh sumdawnna kawngpui pawimawh tak a nih angin, kawng a tlang that a tul hle a ti a. KMTTP kawngpui chu nakum maia hawn tur a nih angin, Minstry of Road Transport and Highways (MoRTH) kaltlanga 'Relair & Maintenance' hnathawk tur Company - te pawh tihfel trep a nih tawh thu tarlangin, thlanfel a nih hunah harsatna tam tak sutkian a ni ang a ti a.  Bawrhsap chuan ruahtui a tla tam dawn chauh a, hemi a nih vang hian kawngpui enkawltu te inralrin reng a pawimawh hle tiin, a bik takin KMMTP enkawltu PWD (Multi Modal Project Division) ten theihtawp an chhuah thin chu fakawm a tih thu sawiin, hmalam hunah pawh mipuiten harsatna an tawh lohna  tura thahnem ngai taka thawk chhuak zel turin a chah a. Fur ruahtui tlak nasat avangin hmun hrang hrangah leimin a thleng thei reng tih sawiin, Pu Donny Lalruatsanga chuan DDMA Member- te chu inralring reng turin a chah nghal bawk a ni. 

PWD (Multi Modal project Sub - division) atangin Er. Richard Vanlalrema (SDO); Er. PC Biaksiama (JE) leh Er. H. Lalremruatpuia (JE) te an lo tel thei a. Chatuan leminin chu 400 M vela sei a nih thu leh kum tinin a thenfai hna an thawh thin thu an tarlang a. Kumin bikah  tum- 7 lai kawngpui tihtlang hna an lo thawh tawh thu an sawi a. PWD-  hotute chuan mipuite harsatna sukiang tura an awm reng thu an tarlang a ni. 

Vawiin Chatuan leimin enfiahnaah hian DDMA Member- te bakah MJA Lawngtlai, te an tel thei a ni.