4367/2025-2026

Lawngtlai, 10th Febuary, 2026 : Vawiin chawhma dar 11:00 AM khan DC Office Chamber -ah Lawngtlai Bawrhsap Pu Donny Lalruatsanga hovin, Faina leh Thianghlimna, Veng inrelbawlna tha thlanna 'Bawrhsap Award' kalpuivmek chungchang sawiho a ni.

Bawrhsap Pu Donny Lalruatsanga chuan a tumkhatnan kumin Republic Day ah Lawngtlai khawpuia veng hrang hrangte tana inelna Bawrhsap Award sem a nih thu sawiin, Veng hrang hrang Village Council leh Tlawmngai Pawlte inpekna leh thawhrimna fakin, mipui lamin an theih ang tawka tha an thawh chu 'Bawrhsap Award' hlawhtlinna pawimawh tak a ni, a ti . Bawrhsap Award- chu kumtin a kalpui tura ruahman a nih ang a veng hrang hrangte chu thahnemngai zawka hmala tura ngenin, a endikhna thawktu MJA Lawngtlai District chungah Bawrhsap chuan lawmthu a sawi nghal bawk.

Pu Donny Lalruatsanga chuan LADC- ah sawrkarna mumal tak din a nih hunah LADC nen tangtlanga 'Clean Lawngtlai' leh Lawngtlai Beautification - ah te hmalakna kalpui tuma ruahmanna neih a nih thu a tarlang bawk a ni.

He huna tel VC leh MJA Member-  te chuan Lawngtlai Bawrhsap - in khawpui inrelbawlna tha  a veina chuan rah tha a chhuah tan nia an hriat thu tarlangin,  hmasawn zel  tura  theihtawp chhuah an inhuam thu an sawi a ni.