Vawiin tlai hian Lawngtlai District Bawrhsap Pu J. Hmingthanmawia chuan Lawngtlai khaw chhunga tun hnai ruahsur vanga lei chet thar lehna hmunte a en.

Bawrhsap hian Lawngtlai III, Electric Veng leh Chandmary veng te a tlawh a. Lawngtlai III veng chhung National Highway in a paltlang na laia lei tlahniam thin hi nikum lamah khan nasa takin a venna siam a ni a, kawng te pawh siam that a ni a. Amaherawh chu tun hnai ruahsur nasa takah khan helai ram hi che lehin tunah hian chenna In 15 kual khungin Electric Veng chuan hnuai lam thleng lei khi hi hmuh tur a awm a ni.

Pu J. Hmingthanmawia chuan heng lai vel lei chet dan hi chhungril thuk tak atanga intan te pawh a ang a, chuvang chuan mithiam zawkten en in zirchiang se a that a rin thu sawi a. A rang lama an rawn en theih nan hma lak thuai a nih tur thu a sawi.

Bawrhsap hian Chandmary Venga kawngchhak atanga lei rawn min thla pawh a en nghal bawk.