1633/2026-2029

Lawngtlai, 3rd August 2026 : Vawiin khan Deputy Commissioner's Office Lawngtlai, bultumin 'District Catalytic Intervention Plan' kaltlanga Lairam Nursing School- tan a 'Computer Set' hlanna inkhawm chu LCMC Conference Hall, Lawngtlaiah neih a ni a. Dr. Lorrain Lalpekliana Chinzah Adviser to Chief Minister leh Lawngtlai East bialtu MLA nibawk chuan Khuallian niin a hmanpui a, Lawngtlai Bawrhsap Pu Donny Lalruatsanga chuan hun a kaihruai.

Dr. Lorrain Lalpekliana Chinzah chuan Lairam Nursing School- tan a Computer Set hlan a ni chu thinlung taka lawmawm a tih thu sawiin, tangkai taka hmang turin duhsakna a hlan a. Computer Set- lei a nih theih nana Lawngtlai bawrhsap hmalakna fakawm a tih thu tarlangin, tangkai taka hmang turin duhsakna a hlan a. Bana Kaih kaltlangin District hrang hrangah 'District Tranformation Plan' kalpui a nih thu tarlangin, Lawngtlai District- ngei pawhin he hmalakna a chhawr tangkai thei hi a ropui hle a ni, a ti. Lairam Christian Medical Centre & Hospital (LCMC& H) - in ram mipuite tan kawng hrang hrangin rawng an lo bawl rawh thin a, tunah Lairam Nursing School - hawn a ni leh chuan Lawngtlai District- tan hmasawnna a thlen ngei dawn a ni, a ti. Lairam Nursing School- a zirlaite tana Hostel sakna turah a ranga lama hnathawh a nih theih nan leh Ultrasound - lei a nih theih nan a hmalak a nih tur thu a sawi . MLA chuan hmalam hunah pawh harsatna an neihte a hnena thlen tur leh theih ang anga bawhzui a tum thu a tarlang bawk.

Pu Donny Lalruatsanga chuan Computer Set - lei tura kawng hrang hranga hmalakna tarlanna a nei a. Computer Set, Projector leh Screen bakah inverter - hlan takte chu tangkai taka hmang turin duhsakna a hlan a.District Transformation Plan- kaltlanga Lawngtlai District- tana hmalak chhunzawm zel a nih tur thu a tarlang a ni. Dr. B. Zonunsanga, Medical Superintendent, LCMC& H chuan Lairam Nursing School- chungchangah report tawi pekna a nei bawk a ni.

Lairam Nursing School- tan hian Computer Set - 10, Projector leh Screen- 1 leh Inverter- 1, (Rs. 6 lakhs) hlan a ni a, MLA leh bawrhsap- ten an hlan a ni.

Vawiin hun hmannaah hian Sawrkar Official - te; LIKBK Assembly  aiawhte; LCMC & H  Doctor leh Staff - te leh MJA Lawngtlai te an tel thei a ni.