2376/2023-2024

Lawngtlai dated 19th October 2023: Vawiin khan Lawngtlai district chhung a 36-Tuichawng, 37- Lawngtlai West leh 38- Lawngtlai East Assembly Constituency bial a MLA inthlan a ding tur Political Party hrang hrang aiawhte chuan Returning Officer-te hnen ah Nomination an thehlut ṭan a. He thu buatsaih lai thleng hian Candidate 6 ten Nomination hi an thehlut tawh.

36-Tuichawng Assembly Constituency bial a MLA inthlanna ah Mizo National Front candidate ni turin Chakma Autonomous District Council a Chief Executive Member nilai Pu Rasik Mohan Chakma leh ZPM candidate ni turin Pu Shanti Jiban Chakma te chuan Returining Officer Pi Rochuangkimi Khenglawt hnen ah an hming an pelut a 37-Lawngtlai West Assembly Constituency-a ding turin Pu Joseph H.Lalramsanga, District Election Officer leh Returning Officer hnen ah  Mizo National Front Candidate ni turin Lai Autonomous District Council a Chief Executive Member  Pu V.Zirsanga leh Zoram People’s Movement candidate Pu Lalnunsema te chuan an hming an pelut a 38-Lawngtlai East Assembly Constituency Returning Officer Pu Abraham Beirazi Khithie hnen ah MNF candidate ni turin Assembly Dy.Speaker Pu H.Biakzaua  leh ZPM candidate tur Dr. Lorrain Lalpekliana Chinzah-te chuan an hming an pe lut bawk.

Inthlan chuh tum te tan a hming pek luh theih hun hi bial tin ah October ni 13, 2023 aṭang khan hawn niin, October ni 20, 2023 thleng khian hun hawn a ni dawn a.  Hming pek luhte hi October ni 21, 2023 (Inrinni) chawhma dar 11:00-ah endik a ni ang.