2375/2023-2024

Dated Serchhip, the 19^th October, 2023:  Vawiin khan Serchhip District DEO Pu David Lalthantluanga, IAS, Serchhip DC chuan thuthar lakhawmtute kawmin kan hma lawka MLA General Election lo awm tura Serchhip District inbuatsaih dan a hriattir.

1. Candidate Nomination File Chungchang: ECI in rem a ruat angin October ni 13 (Zirtawpni), 2023 atang khan Serchhip District chhunga Assembly Constituency pathum - 26-Serchhip(ST) AC, 27-Tuikum(ST) AC leh 28-Hrangturzo(ST) AC ah te candidate nomination file-na hun chu nitin chhun dar 11 atangin tlai dar 3 thleng hawn a ni a. Vawiin chawhnu dar 3 thleng khan mi 13 in nomination an file tawh a ni.

Candidate zinga nomination file hmasa ber chu 28-Hrangturzo(ST) AC candidate Pu Zaichhawna Hlawndo, Independent a ni a. Ani hian 16.10.2023 khan nomination a file a ni. 

Candidate Nomination File Tawh Te Chu:

26-Serchhip(ST) AC: R.Vanlaltluanga (INC),  J.Malsawmzuala Vanchhawng (MNF), Lalduhoma (ZPM) leh Lalawmpuia Renthlei (Independent).

27-Tuikum(ST) AC: T.T. Zothansanga (INC), Er.Lalrinawma (MNF), PC Vanlalruata (ZPM) leh C.Lalrinmawii (Independent).

28-Hrangturzo(ST) AC: Lalmalsawma (BJP), Lalroenga (INC),  Lalremruata Chhangte (MNF), Lalmuanpuia Punte (ZPM)  leh Zaichhawna Hlondo (Independent).

 Nomination file theih hun hnuhnung ber chu October 20, 2023 (Zirtawpni) a ni. Candidate te inhnuhdawh theih hun hnuhnung ber chu October 23, 2023 (Thawhtanni) a ni thung.

2. Election Observer Chungchang:  Election Observer (General, Expenditure leh Police) te hi ECI in a ruat kim vek tawh a. Expenditure Observer Umesh Chandrakant Phade, IRS hian a vawikhatna atan October 13 zanah lo thlengin October 14 khan meeting neih pui a ni a. Zanin hian a vawihnihna atan Serchhip lo thleng leh tura beisei a ni. General Observer V.Sampath, IAS leh Police Observer Meren Jamir, IPS,  te pawh Serchhip panin an rawn tlan mek tawh a, vawiin tlaiah lo thleng tura beisei an ni.

3. First Randomization of Polling Parties: Presiding Officer 107, Assistant Presiding Offcer 107 leh Polling Officer 214 appointment order hi generate a ni tawh a. Training hmasa ber hi October 17, 2023 khan buatsaih a ni a. Training tum hnih buatsaih leh tur a ni.

4. Expenditure Monitoring: Election-a candidate te sum hman dan ngun taka vil tura din Flying Squad Team, Static Surveillance Team, Video Surveillance Team, Video Viewing Teams, MCMC team ten an hna an thawk mek a. Candidate hming pe lut tawh te tan Shadow Account Register hawnsak vek an ni bawk. 

5. Senior Citizens & PWD: Kum upa zawk te leh PwD te tan home voting tih theih a ni a. Form 12D hmanga dilna hi thehluh tur niin October 18 thleng khan hun hawn a ni a. Home Voting dil lo zingah Polling Station pan thei lova harsatna nei tan DEO office chuan an in atanga Polling Station thlenga kal leh hawna tur a buatsaih sak dawn a. Kum upa leh PWD te zingah pick and drop hi duh an awm chuan an BLO te theuh hnenah inhriattir tur a ni. 

6. Postal Ballot: Sawrkar hnathawk, election duty avanga mahni vote neihna hmuna vote thlak thei lote tan Form 12 hmangin Postal Ballot dil theih a ni a. October ni 20 (Zirtawpni), naktuk thleng hian thehluh theih a ni.

7. First Randomization of EVM:  Media te leh Political Party aiawhte hriatpuiin First Randomization of EVM chu October 18, 2023 khan neih a ni a. Assembly Constituency Wise in EVM leh VVPAT then hran a ni. 

8. SVEEP: Hmalakna tam tak kan neih tawh zingah tun hnaiah Voter Awareness Rally chu October 13, 2023 chawhma 9:30 ah khan neih a ni a. Young Voters’ Festival changtlung tak October 18 khan hawn a ni a, October 20 thleng neih tur a ni. Hei bakah hian vote thlak tura inzirtirna video te, poster te, digital flyer te siam a ni a. Khawpui chhung hmun hrang hrangah banner leh hoarding te tar a ni bawk.

9. Sector Officer: Sector Officer te hian October ni 13 and 14 khan a vawihnihna atan an sector theuh an tlawh.

Appeal: Election fel fai, thianghlim leh mi zawng zawng huap a awm theih nan Serchhip District a thuthar lakhawmtute zawng zawng thawhhopuiah ka sawm nawn leh che u  a. Serchhip District mipui ten election chungchanga hriattur tul te an hriat theih nan ECI duhdan angin Press Briefing hi kar tin neih thin tur a ni a. Khawngaih takin he Press Briefing hi ngai pawimawh turin kan in ngen a ni.