1816/2025-2026

Lawngtlai, 9th October 2025 : Vawiin khan Lawngtlai District Development Co-ordination and Monitoring Committee (DISHA) chu an Chairman, Pu Richard Vanlalhmangaiha, Member of Parliament (Lok Sabha) hovin DC Conference Hall-ah an ṭhukhawm.

Pu Richard Vanlalhmangaiha chuan kalkhawmte hnena lawmthu sawina a nei hmasa a. Sawrkarlaipui atanga scheme lokal thin te tha taka thawh a tul a, sum tam zawk sawichhuak turin Disha meeting- a hun taka neih a pawimawh hle a ti. A bik takin Line Department - te an pawimawh hle tih tarlangin, theihtawp chhuah a, ram leh mipuite tana thawk turin a chah a. Line department-te inbuatsaihna leh hna thawh fakin, hlawhtling leh awmze nei zawka hmasawnna hna thawh kalpui a nih theih nan department hrang hrangte chu an hma zawn ṭheuhvah theih tawp chhuah chhunzawm zel turin a chah a. Sawrkarlaipui Scheme- kalpuinaa harsatna awmte pawh inthlahrung lova a hnena thlen ṭhin tura chahin, a theih ang anga chin fel dan ngaihtuahpui a inhuam thu a tarlang a. Pu Richard Vanlalhmangaiha, MP (LS) chuan Lawngtlai District- tan MP Fund atanga cheng nuai 15 a pek tur thu a sawi bawk a ni.

Lawngtlai DISHA ṭhutkhawmah hian Lawngtlai East bialtu MLA Dr. Lorrain Lalpekliana Chinzah, Adviser to Chief Minister ( H&FW, A&FW) leh Deputy Commissioner & Member Secretary Pu Donny Lalruatsanga te bakah, line department official-te leh NGO, MJA aiawh te an tel theih a. Kum 2024- 2025 leh 2025- 2026- a Lawngtlai District-a sawrkarlaipui ruahmanna hnuaia hmasawnna hnathawh hrang hrang kalpui dan thlir ho niin, harsatna awmte leh a chin fel dan tur leh hma lak zui zel dan tur te sawiho a niin; zawhna leh chhanna hun hman a ni bawk.

He DISHA ṭhut khawmah hian sawrkar laipui scheme hrang hrang -Agriculture & FW Department hnuaia RKVY, SHC, PM-KISAN leh scheme dang te;Commerce & Industries Department hnuaia PMEGP te; School Education Department hnuaia Samagra Shiksha, PM-POSHAN (Mid-Day Meal) leh PM SHRI School te; Fisheries Department hnuaia PMMSY te; Food Civil Supplies & Consumer Affairs hnuaia National Food Security Act & Price Monitoring te; H&FW Department hnuaia National Health Mission (NHM) programme hrang hrang te; Lead Bank, SBI hmalakna te; PWD hnuaia PMGSY, PARIVAHAN te; PHE Department hnuaia JJM, SBM(G) leh Urban Water Supply Scheme te; RD&A Department hnuaia MGNREGS, PMAY-G, PMAY-G Awaas Plus, PMKSY 2.0, MzSRLM leh DDU-GKY te; Social Welfare Department hnuaia NSAP; Sports & Youth Services hnuaia hmalakna hrang hrang te; UD&PA Department hnuaia AMRUT 2.0, PMAY, SBM (U) leh PM SVANidhi te; Women & Child Development Department hnuaia ICDS, BBBP, PMMVY, Saksham & Poshan 2.0, leh Mission Shakti te; CADC hnuaia RGSA hmalakna te; NHIDCL hnathawh te sawiho a ni.

DISHA hi Ministry of Rural Development, Govt of India hnuaia programme niin District hrang hranga Central Sawrkar Scheme kalpui te vil bakah sawrkarlaipui scheme khawihtu department hrang hrangten thawhhona tha an neih theih nana hmalakna a ni a. Member of Parliament, Lok Sabha, chu Chairman- niin District Bawrhsap- te hi Member Secretary an ni thung a ni.