4464/2023-2024
Fur khua kan lo chuang kai leh dawn ta a. Lawngtlai District hi thli leh ruahtui tamna a nih ṭhin avangin mipuite tun fur khua lo thleng tur atan hian theih tawpa lo inpuahchah lawk turin kan inngen a. Khuarel chhiatna eng tik lai pawha thleng thei reng dinhmuna kan din avangin Lawngtlai District mipuite chiai lova chhiatna thleng thei lakah lo inveng turin kan inhriattir e.

A hnuaia inkaihhruainate hi zawm tura beisei kan ni:

1. Mahni chenna in bula kawr/side drain-te tui a luan ṭhat theih nan theih ang anga lo then fai lawk tur a ni.

2. I in leh a velte uluk takin thlithlai la, tukverh leh kawngkhar zawng zawng nghet taka kalh theihin siam la, thli tleh hun laia chhuah ngai lo tura chak lo lam lawk ni se.

3. I chenna bulah thingṭang ro tla mai thei te a awm a nih chuan thian fai la, thli tlehin a chhem len theih ang chi reng reng chu nghet takin ṭawn/kilh beh tur a ni.

4. Damdawi (first-aid) mamawh tur ang chite kawl tur a ni.

5. Television leh khawtlang aurinnaa thu puante ngun takin nghaihven tur a ni.

6. Thlipui tleh laiin electric switch te off vek tur a ni.

7. Thlipui tleh theih hun chhung leh ruahtui tam lai hian ram leh luiah kal loh hram tur a ni ang.

8. Loh theih lohna avanga khualzinte chu kawng laka chhiatna thleng thei thilah ei leh in leh damdawi (first-aid) lo inrin lawk tur a ni ang.

9. Titi leng vak vel mai maiah innghat lovin, sawrkar thuchhuak chauh ngaichang ang che.

INCIDENT COMMANDERS:
(An hming, bial leh biak pawh theihna te)

1. Chinlianmanga, SDO (C) & BDO, Sangau
Sangau RD Block huam chhunga khua zawng zawng
Ph: 7005273242

2. Lalneihthanga Colney, SDO (C) & BDO, Chawngte
Chawngte RD Block huam chhunga khua zawng zawng
Ph: 8416048257

3. Samuel Lalmalsawma Sailo, BDO, Bungtlang 'S'
Bungtlang 'S' RD Block huam chhunga khua zawng zawng
Ph: 9615715731

4. Collin Hlychho, BDO, Lawngtlai RD Block
Lawngtlai khawpui chhung tih loh Lawngtlai RD Block huam chhunga khua zawng zawng
Ph: 7005751606

5. Dr Doris Lalrinawmi, SDC
Chandmary, College Veng, Lawngtlai-III, Electric Veng, AOC, Thingkah
Ph: 9903635376

6. Saithantluangi Zote, SDC
Vengpui, New Vengpui, Council Veng, Bethel Veng, Chawnhu, Lawngtlai Bazar
Ph: 7005212542

Attachment

  • Loading attachment...