78/2024-2025 

LUNGLEI;  the 6^th April,2024: Vawiin chawhnu dar 3:30 khan DC conference Hall-ah kan hma lawka Lok Sabha Inthlanpuia Police Observer atana ruat Pu K.Satyanarayan, IPS leh  Expenditure Observer Pi Anita Rinesh,IRS hovin meeting neih a ni.  Meeting hi Pi Ramdinliani, IAS District Election Officer leh Bawrhsap ni bawk chuan a kaihruai a ni.

Vawiin meeting-ah hian Pu J.Lalmuankima, Superintentdent of Police chuan Boruak muanawm tak hnuaia Lok sabha Inthlanpui  felfai leh thianghlim tak a awm theih nana Police te inpuahchah dan, hmalak tawhna leh  hmalak mek te, hmachhawp hrang hrang te chu Power Point Presentation hmangin a entir a. Election Expenditure Monitoring Nodal Officer Pu Donny Lalruatsanga, CEO, LMC  nibawk chuan Election expenditure kaihnawih thil an vil dan( Monitoring) leh an hmalak dan te chipchiar takin Power point Presentation hmangin a entir bawk.

Observer te pahnih chuan Lok Sabha inthlanpui atana Lunglei district inpuahchahna chu ropui an tih thu sawiin, DEO leh Election officials zawng zawng hnenah an thawhrimna leh inpekna avangin lawmthu an sawi bawk a ni.

Police Observer atana ruat Pu K.Satyanarayan, IPS phei chuan Mizoram in Boruak muanawm tak hnuaia Election an kalpui dan hi India ram state dang te tana entawn tlak Model tling ni hial a hriat thu sawiin, “Model Code of Conduct zawm that te pawh in pianpui thil ang mai a ni” tiin, Mizoram in Election a hmachhawn dan te, Inthlanpui atana a inpuahchah dan te, Inthlanna muanawm leh felfai a awm theih nana mipui mimir, NGO, Kohhran leh MPF ten pheikhai rual taka hma an lak dan hi India ram pum leh BBC-ah te hial puanzar tlak a ni, a ti a. MCC hi kan hmanna a la rei lo telul nen, Mizoramah chuan in lo zawm sa thlap mai, a ti bawk.

Expenditure leh Police Observer te chuan Mizoram hmun dang an lo tlawh tawhna a an tawnhriat te tarlangin, Lunglei districtin tha leh zuala Lok Sabha Election atana a inpuahchah theih nan thu rawn an neih ang ang te chu official kalkhawm te hnenah sawiin, official te atanga zawhna awm te chu chhangin,  sawifiah ngai te an sawifiah bawk a ni.

Lunglei District-ah hian Assembly segment 6 awmin, Polling station 176 a awm. Chung zinga 24 te chu hmeichhe hlangin an vil tur a ni a. Model Polling station 12 a awm bawk.

Voters 500 aia tlemna polling station 79 a awm a, chung ho chu Polling official 3 chauh vin an vil dawn a ni. Polling station hla ber chu Marpara Polling Station (121Km) niin, Polling station hla zual 13 a duty tur Polling official te chuan Vote thlak ni hma ni hnih 2(P-2)(17^th April)-ah polling station panin an chhuak hlawm dawn a ni. Assembly segment tin-ah hian Flying Squad team 2 zel, Static surveillance Team -2 zel, Accounting Team 1 theuh, Video surveillance team-1 theuh, Video Vewing Team-1 theuh  leh Asst.expenditure observer pakhat(1)  theuh an awm a ni.

Vawiin meeting-ah hian Police, Nodal Officer (for): Election Expenditure Monitoring, Model Code of Conduct, District Contact Centre, Lead Bank Manger, member Secretary MCMC leh Team leaders(of):  Flying Squad, Static surveillance Team, Accounting Team, Video surveillance team, Video Vewing Team  leh Assistant Expenditure observer 1 theuh an awm a ni.

DC conference Hall-a meeting an neih zawh hnuah hian Observer te pahnih hian Saikuti Hall-a EVM Strong room tlawhin,  hmun pakhata Polling station 4 awmna  Gov’t H/S, Chanmari an tlawh nghal bawk a ni.