Electoral Roll Special Summary Revision 2018 neih tur atan vawiin chawhnu dar 3 khan Lawngtlai District-a Assembly Constituency pathuma Draft Electoral Roll chu Lawngtlai DC Conference Hall-ah District Election Officer Dr Arun T., IAS, Lawngtlai DC ni bawk chuan a tlangzarh.
Draft E/Roll-ah hian Tuichawng bialah voter 29356 (hmeichhia - 14470; mipa - 14886) an awm a, Lawngtlai West-ah voter 25420 (hmeichhia - 12659; mipa - 12761) awmin, Lawngtlai East bialah voter 22948 (hmeichhia - 11855; mipa - 11093) an awm a. Lawngtlai District-a Assembly bial pathumah hian vote nei mipa 38740 leh hmeichhia 38984 awmin, an vaiin voter 77724 an awm a. Voter zawng zawng hian EPIC an nei vek bawk.
Nakkum 2018 January ni 1-a kum 18 tling chinte E/Roll-a thun belh turin September 15 atanga October 13, 2017 thleng hun hawn a ni dawn a. Hemi chhung hian bialtu BLO-te hnenah thil tul ang ang ngaihven theih a ni ang. Final Electoral Roll hi January 15, 2018-a tlangzarh hman tura ruahman a ni.
Attachment
- Loading attachment...
