2503/2025-2026

Lawngtlai, 3rd December 2025 : Lai Autonomous District Council (LADC) hnuaia 12th Member of District Council (MDC) inthlanpui 2025 - a Lawngtlai khawpui chhunga Polling Station hrang hrangte chu District Election Officer Pu Donny Lalruatsanga chuan a tlawh a. Pu PC Lalchunglura, Superintendent of Police, Pu H. Zonunmawia, Returning Officer (RO) leh Pu Lal Chhuanthanga, Commandant, 3rd IR Battalion Thingkah ten an tawiawm a ni.

District Election Officer hian Lawngtlai AOC, Lawngtlai -III, Council Veng leh Lawngtlai College Veng, a Polling Station- te a tlawh a. Ralmuang leh zalen taka vote thlak a ni chu lawmawm a tih thu a sawi a. Vote thlak tura mipuite tha hnem tak an awm chu lawmawm a tih thu tarlangin, inthlanna tluang taka neih a nih tur thu a sawi a ni.