2099/2026-2027

Lawngtlai, 7th September 2026: Vawiin khan ni 1,07,2026 tehfunga hmanga duan SIR 2026 Final Electoral Roll- tlangzarh inkhawm chu DC Conference Hall- ah neih a ni a, District Election Officer leh Bawrhsap nibawk Pu Donny Lalruatsanga chuan a tlangzarh.

Pu Donny Lalruatsanga chuan kalkhawmte chibai bukin SIR 2026  Final Electoral Roll lawm taka a tlangzarh thu sawiin, Final Electoral Roll- tlangzarh a nih theih nana mawhphurhna nei zawng zawngte thawhrimna a  fakawm hle a ni, a ti. Lawngtlai District- a zauin, inkalpawh a harsa a, kawlphetha leh Internet Network chhe em em karah thawktute thawhrimna vanga Final Roll - tlangzarh theih a ni chu mimal taka lawmawm a tih thu a sawi bawk a ni. Lawngtlai District- chu International Boreder- a awm a nih angin, electoral roll - buatsaih kawngah fimkhur a tul zual em em a, EROs, AEROs, BLOs bakah CYLA, NGOs, Kohhran leh Political Party- te nen a thawhhona tha tak neih a nih kawngah an chungah lawmthu a sawi a.India khua leh tui dik tak te chauhin  vote an nei tur a nih laiin  Electoral Roll- a inthun turin Documents - neih that a pawiamwh em em a, documents vawn that kawngah tan tak thar a tul hle a ti.

DEO chuan Electoral Roll-  tha leh rintlak tak neih chu duhthusam a ni a, chutih rualin Election Official-te chu mihring ve tho annih avangin tihsual palh awm thei a ni tiin hriatthiamna neih pawh a tul hle a ti a. Final Electoral Roll- a  ''Appeal' nei duh tan ni 15 chhung hun hawn a ni a, hemi chhung ngei a ziaka DEO Office - a thehluh tur a ni ang a ti. DEO chuan SIR kalpui tan tirh atanga vawiin thlenga thawhhona tha tak awmah lawmthu sawiin a bik takin CYLA - te an thawkrim hle tiin an  hnenah hian  'Certificate of Appreciation' a hlan nghal a ni.

Pu Collin Hlychho Election Officer chuan Final Electoral Roll- tlangzarh tak sawizauna a nei a. 

Final Electoral Roll- tlangzarh tak atanga a lan danin Lawngtlai District- ah Vote nei Mipa - 45,440; Hmeichhia - 45,275 awmin a vaiin vote nei - 90,715 an awm a ni. Vote tamna ber Polling Station chu 36/34- Ugudasury South niin vote - 1,118 a awm a, Polling Station - a vote tlemna ber chu 37/ 34- Hlimzawl niin Vote - 21 a awm. Mipa leh Hmeichhia vote nei tamna ber chu   36- Tuichawng niin, mipa - 19,104 leh Hmeichhia - 18, 132 an awm. Draft Roll - ah 36- Tuichawng (ST) ah vote - 36,300 awmin, Final Roll - ah Vote- 37,233  a awm a,  an punna vote hi - 936 ( + 2.58%) a ni ; Draft Roll- ah  37 - Lawngtlai West (ST) - ah vote - 29,313 awmin, Final Roll - ah vote- 28,373 a awma, vote tlakhniamna hi - 940 ( -3.21%) niin; Draft Roll- ah 38- Lawngtlai East (ST) ah vote - 25,086 awmin, Final Roll- ah vote - 25,106, a awm a, an punna vote hi  - 20 (+ 0.08%) a ni. Draft Roll - ah khan Lawngtlai District- a Assembly Constituency pathumah Vote - 90,699 awmin, Final Electoral Roll- ah hian Vote - 90,715 a awm a, a pumpuia Lawngtlai District- a vote punna hi - 16 (0.02%)  a ni a, Service Voter - 229 an awm bawk a ni.

Final Electoral Roll tlangzarh inkhawm hi Pu H. Zonunmawia, ERO, 38- Lawngtlai East (ST)  chuan kaihruaiin,  EROs, AEROs, BLOs (Lawngtlai Town), President, VC Association, CYLA,YCA, MHIP, LWA, MUP, LUP, MJA Lawngtlai, CYLA, Political Party aiawhte an tel thei a. Final Electoral Roll- hi Political party, CYLA leh YCA aiawh lokalte  hnenah Copy khat theuh (Hard leh Soft copy) District Election Officer Pu Donny Lalruatsanga chuan a hlan nghal a, Pu Lalhruaizela SDC, AERO,  38- Lawngtlai East (ST) chuan lawmthu sawiin hun a khar.