2599/2026-2027

Lawngtlai, 9th October 2026 : Vawiin khan Lawngtlai District Election Officer Pu Donny Lalruatsanga kaihhruaiin DC Conference Hall- ah Special Intensive Revision (SIR) Special Drive' neih tur chungchangah BLOs leh Chanchinbu miten thutkhawm an nei.

Pu Donny Lalruatsanga chuan kalkhawmte chibai bukin SIR 2026  Final Electoral Roll chu September ni 7, 2026 khan tlangzarh niin, Final Roll- a lungawilote tana hearing neih mek a nih thu a sawi a. Tuna hearing neih mek hi September ni 23, 2026 khan tan niin ni 26, October 2026 chuan zawhfel a beiseiawm a ti. Special Intensive Revision (SIR) Special Drive nei turin Election Commission of India chuan India ram State tinah hriattirna a tichhuak a,  Mizoramah pawh October ni 8 atangin neih tan tur a nih thu sawiin hemi pual hian Press Note pawh District Election Office  hminga tihchhuah tawh a ni, a ti.

DEO chuan Election Commission of India (ECI) chuan State tin Chief Electoral Officer (CEO), District Election Officer (DEO) leh Electoral Registration Officer (ERO) te chu October thla chhunga Special Drive nei turin a hriattir a. Special Intensive Revision (SIR) neih zawh taka Electoral Roll-a hming chuang ve lo te zingah India khua leh tui dik tak, vote nei thei ngei tur paih emaw, hmaih palh emaw kum tling thar dil thei an awm chuan uluk taka enfiah tur a ni, a ti. SIR 2026 neihzawh taka Election Official- te leh BLO- te hnathawh fakawm a tih thu a sawi a.Kawng hrang hranga NGOs te thawhpuinaah lawmthu sawiin Special Driver neih leh turah pawh thahnemngai taka Election Official- te lo thawhpui tlat turin a sawm nghal bawk.

Pu Collin Hlychho Election Officer chuan Special Intensive Revision (SIR) Special Drive kalpui a nih tur chuan tlangpui sawizauna a nei a. Booth Level Officer-ten SIR neih hmaa electoral roll-a awm si, SIR Final E/roll-a awm ta lote chu a list an siam ang a, Chung mite chu BLO ten an inah an tlawh chhuak leh dawn a ni. India khua leh tui dik tak te chu Form-6 hmanga electoral roll-a luh dil turin an hrilh hria ang. Anni bakah hian, vote nei thar tur, kum 18 tling tharte pawh an vai ang a ti. BLO list siam hi Booth Level Agent-te pawh pek ve tur a ni a,  BLO te’n field verification an tih zawhah hming list hi ERO/AERO hnenah submit leh anga, Form 6 fill-up ho hi ERO/AERO hmaah hearing neih tur a ni tiin a tul dan leh remchan dan a zirin Booth Level Camp buatsaih theih ani ang a ti.

Thutkhawmah hian EROs, AEROs BLOs, CYLA leh MJA Lawngtlai - te an tel thei a, Pu H. Zonunmawia, ERO (38- Lawngtlai East ) chuan lawmthu sawiin hun a khar.