2600/2026-2027

Aizawl the 9th October, 2026: Vawiin chawhma dar 10:30 khan Pu Malsawmzuala Ralte, chairman, MYC chuan Synod Resource Centre, Synod Conference Centre a tlawh. Pu Benjamina, ID&AS Retd. mentor, SRC, Pu Lallungmuana, Lecturer Retd. PUC leh Pu K. Lallianzuala, Secretary, Synod Education Board & Principal Synod HSS ten lo dawngsawngin, UPSC exam tur zirlaitrle nen inkawmhona hun an hmang.

Pu Mala chuan, ruihhlo ngai ten an nghei a, nun kawng dik an zawh theihna turin sorkar, kohhran leh NGO ten theihtawp an chhuah a, chutiang chiah chuan Mizo thalai te UPSC exam-a an tlin theihna turin kan zavaiin theihtawp kan chhuah mek a, kaihhruiana tha, coaching class, zirlai bu, lehkha zirna hmun leh tul dang zawng zawng exam beih tumte hnenah chhawp a ni a, hlawhtling turin thawhrimna a pawimawh ber tih a sawi. Hnam dangte nena khaikhin pawhin mizo thalai ten theihna kan nei sang tih kawng hrang hrang atangin kan hmu, kum 12-zet IAS kan nei tawh lo hi chhu chat ngei tura theihna zawng zawnga bei turin zirlaite a sawm.

Pu Benjamina leh Pu Muantea te pawhin thusawiin, MYC leh SRC te chu tum inang kan nih angin, thawhho theihna apianga thawhho zel ni se, an ti bawk.