2601/2026-2027

Lawngtlai, 9th October 2025 : Vawiin khan Deputy Commissioner Office, Lawngtlai bultumin DC Conference Hall-ah 'RTI Week' hman a ni a, Pu Donny Lalruatsanga, Bawrhsap chuan khuallin niin a hmanpui.

Pu Donny Lalruatsanga chuan kalkhawmte hnena lawmthu sawina a nei hmasa a. RTI chungchangah kum tin intahhriarm a tul hle a, a bik takin 'information' pek chhuah theih leh theih loh te hriatchian a tul hle a ni, a ti. Sawrkar chak, langtlang leh mawhphurhna hlen thin siam turin RTI Act a pawimawh em em a, mipuite dah pawimawh thiam a tul hle a ti. India ram chu Democracy ram a nih angin mipuiten sawrkar inrelbawl  danah hriat duh an neihte an hriat hi an dikna chanvo a nih angin chutianga mipuite duhthusam thlen tir chu sawrkar hnathawkte mawhphurhna tih hriatchian a tul hle a ti.

Bawrhsap chuan RTI Act hian mipuite chu sawrkar khalhngiltu nihna pawimawh tak a siamsak a, kawng hrang hrangin sawrkar a thuamchak em em a ni, a ti. RTI Act hnuaiah dan ang thlapa thil kalpui turin State Public Information Officer (SPIO) leh State Assistant Public Information Officer (SAPIO) te an pawimawh hle tih a sawi a. Hun tiam chhunga chhanna pe tur leh information - dil ang angte dik taka chhang tura inbuatsaih turin a chah nghal bawk.

Pi Malsawmtluangi, Superintendent, DC Office chuan RTI Week pualin RTI chungchang inzirtirna pein,  zawhna leh chhanna hun hman nghal a ni bawk.

RTI Week-  hmanna inkhawm hi Pi TT. Beikhaizi, Addl. DC chuan kairhuaiin; Lawngtlai District chhunga State Public Information Officer (SPIO), State Assistant Public Information Officer (SAPIO), NGO leh MJA Lawngtlai te an tel thei a, Pu H. Zonunmawia PD ( DRDO) chuan lawmthu sawina neiin hun a khar.