898/2026-2027

Lawngtlai, the 9th June, 2026 : Vawiin chawhma dar 11:00 AM khan Deputy Commissioner, Lawngtlai Office Chamber- ah Bawrhsap Pu Donny Lalruatsanga kaihhruaiin Lawngtlai District Highway Safety Task Force Committee an thukhawm.

Pu Donny Lalruatsanga chuan member kalkhawmte hnenah lawmthu a sawi a.Supreme Court thuchhuak ang in 'encrouchment of National Highway' leh 'Illegal Parking at National Highway' chungchangah bawkzui tur tam tak a awm a ti a.Hmalakna turah Department mawhphurhna nei ten theihtawp chhuah a, an mawhphurhnatean hle a pawimawh dawn hle a ti a ni. A bik takin District Administration leh LADC bakah VC, NGO leh mipuite tanho a tul dawn hle tiin, theihtawp chhuahpui turin a sawm nghal bawk.

Thutkhawmah hian 'Encrouchment of National Highway' leh 'Illegal Parking on National Higway' chungchanga Supreme Court- in hmalakna tur point 8 (Pariat) a siamte chu thlirho a ni a. SOP duan leh hmalak dan tur hrang hrangte ngaihtuah niin, a tul anga Team din ngaiahte din a ni a, Periodic Inspection neih thin ni bawk se an ti a. Order- chhuah ngaite DC Office lam leh PWD lam ten chhuah ni se tih niin, hmalakna hrang hrangte report kimchang siamin, ni 60 chhung ngeia Mizoram sawrkarah thehluh ni se an ti a ni.

Vawiin thutkhawmah hian Lawngtlai District Highway Safety Task Force Committee, Member- te an telkim tha hle a, Pu Donny Lalruatsanga chuan lawmthu sawiin hun a khar.