2180/2025-2026

Lawngtlai, 12th November 2025: Tunlai hian Lawngtlai District Kakichhuah ah tuihri ni a lang natna inkaichhawn theih natna a leng mek tih hriat a ni a. He hri leng chungchangah hian a hnuaia mi ang hian District Magistrate -chuan thuchhuah a siam.

ORDER

No.J.11013/1/2025-DC (LTI): Tunlai hian Lawngtlai District Kakichhuah ah tuihri ni a lang natna inkaichhawn theih natna a leng mek tih hriat a ni a. He hri hi mihring hriselna atan leh nunna atan a pawi thei a hriat a ni. He hri leng hi ei leh in thianghlimlo atang leh hmun dang atanga mihring veivak ten an put darh a nih ber avangin, mipui hriselna humhalh nan leh venhimna thupek chhuah tula hriat a ni.

Chuvang kei, DONNY LALRUATSANGA, MCS, DISTRICT MAGISTRATE, LAWNGTLAI DISTRICT, LAWNGTLAI chuan 'Epidemic Diseases Act, 1987 Section 2 leh Section. 163, Bharatiya Nagarik Suraksha Sanhita, 2023 (BNSS)' in thuneihna min pek ang in a hnuaia thupek hi ka chhuah e.

1. Kakichhuah ram chhungah mi tumah ramri kan a India rama luh phal a ni lo.

2. Kakichhuah Khua mipuite khaw dang a zin chhuah khap tlat a ni.

3. Khualkhua atangin Kakichhuah ah tumah luh phal a ni lo.

4. Hriselna atana pawi thei thil chi hrang hrang lakah fimkhur tur a ni.

He thupek zawmlo chu Section. 223, Bharatiya Nyaya Sanhita, 2023 (BNS) hmanga hrem a ni ang.

He thupek hian thu leh awm hma chu thupek chhuah anih atanga thla hnih (2) chhung a huam ang.

Amaherawhchu, he khuahkhirhna hian Medical Duty, Election Duty leh Emergency thil te a huam lo ang.

He thupek hi vawiin Date 12th November, 2025 hian District Magistrate Seal a nemnghetin hming ka ziah hnan e.

Sd/-

DONNY LALRUATSANGA

District Magistrate 

Lawngtlai District, Lawngtlai