2179/2025-2026

Lawngtlai, 12th November 2025: Lai Autonomous District Council (LADC) hnuaia 12th Member of District Council (MDC) inthlanpui 2025 - lo awm tur atan a inbuatsaihna kal zelah vawiin khan DC Conference Hall-ah Lawngtlai District Level Standing Committee - ten thutkhawm an nei a. Pu Donny Lalruatsanga, District Election Officer (DEO) chuan thutkhawm hi a kaihruai.

Pu Donny Lalruatsanga chuan kalkhawmte hnena lawmthu sawina a nei hmasa a. 12th Lai Autonomous District Council (LADC ) inthlan lo awm turah inthlanna felfai leh muanawm tak a awm theihna tura theihtawp chhuah niin tanrual a ngai hle dawn a ni, a ti. Vote- neitu ten an duh ang ngei an Vote theihna turin Election Official- te pawhin ruahmanna an siam thu a sawi a. Ruahmanna siam ang angte chu tha taka kalpui a nih theihna turin NGO leh Political party- te theihtawp chhuahpui turin a sawm a ni.

Pu Donny Lalruatsanga chuan, mipuiten an aiawh ram hruaitu an thlanna kawngah Election Official- te thawhpui thiam a tul hle a, inthlan chungchanga thuchhuah awm a piang te zawm thiam a pawimawh hle a ti. Ralmuang leh zalen taka inthlanna nei turin theihtawp chhuah ho a ngai a, a bik takin sum leh pai hmanga inthlem te, invau emaw te ti lo va, zalen taka inthlan a pawimawh hle a ti. DEO chuan Lawngtlai District - a MPF - ten beisei ang tak a hmalakna an nei chu lawmawm a tih thu tarlangin, theihtawp chhuahpui zel turin a sawm nghal bawk.

Pu PC Lalchunglura, Superintendent of Police, Lawngtlai pawhin election atana dan leh thupek kenkawh kawngah Sector Police leh Polling duty tur te ruat tan mek a nih thu a sawi a. Police lam in daih lohna avangin Additional requirement - dil a nih thu leh 3IR leh 2nd Bn.MAP atanga pek an nih thu a tarlang a ni.

Pu Collin Hlychho, Election Officer, chuan 'General Election to LADC, 2025' neih tur atan a inpuahchahna leh hmalakna hrang hrang report a pe a. Returning Officer-3, Asst. Returning Officer-3, Sector Officer-17 leh Nodal Officer-14 ruat fel vek anih thu a sawi a. Lawngtlai District - ah hian Polling Station- 111 awmin, Pangkhua ah Auxiliary Polling Station siam a ni dawn a, Hmawngbuchhuah voter- 1 awmnaah chuan Home Voting a tih a ni ang a ti. Bungtlang 'S' -II, Saizawh East leh Lungzarhtum Polling Station - ah bikah chuan Hmechhe hlang ( Polling party )an duty dawn tiin, Dispatch hi DC Office- ah a ni ang a, Recieving leh Vote chhiar chu Govt. College Lawngtlaiah neih a nih tur thu a tarlang.

Vawiin thutkhawmah hian District Level Standing Committee Member - te an tel kim tha hle a, Pu Donny Lalruatsanga chuan lawmthu sawina neiin hun a khar.