2178/2025-2026

Lunglei, 2025 Sahmulphah thla ni 12: Vawiin khan Lunglei District Bawrhsap Pi Navneet Mann chuan a hnuaia mi ang hian Mizoram State Medical Council-a inziak lut lo doctor-te'n Mizoram chhungah damlo an en theih loh thu hriattirna a chhuah.

Mizoram State Medical Council, Aizawl aṭanga hriattirna lehkha No. MSMC/Regn-2/2/2017/21 dated 8.10.2025 hmuh a nih angin, Mizoram pawn lam aṭanga Doctor/Damdawi lama thiamna nei ṭhenkhatte'n Mizoram State Medical Council-a inziak lut hmasa lovin Mizoram chhungah damlo an en ṭhin tih hriat a ni a; hei hi dan phal loh a ni.

Mizoram Medical Council Act, 2010 leh National Medical Commission Act, 2019 section 34 hnuaiah hrem theih an ni. He dan hian mi tu mah, khawi State-ah pawh an thiamna/damlo enkawlna hmanruate anmahni chenna State Medical Council-a inziah luh hmasak loh chuan hman phal a ni lo.

Chu vangin, hetiang hian hriattirna chhuah a ni e:

1. Mizoram State Medical Council-a inziah luh loh chuan Mizoram chhungah Doctor-in damlo a en thei lo.

2. Private Hospital, Nursing Home, Charitable Institution, NGO leh Non-Government Health Facility zawng zawngte'n State Medical Council-a inziak lut lo Doctor-te chhawr/hna pek theih a ni lo.

3. Mi tu pawhin Doctor a rawn dawn a nih chuan, Mizoram State Medical Council-ah a inziak lut em tih a hre chiang phawt tur a ni.

4. Medical camp emaw, damlote tana ṭha tura hma lakna buatsaih a nihin, Mizoram State Medical Council chuan hun rei lo te atan phalna a pe ṭhin a. Mizoram State Medical Council phalna la lova hma lak a nih hriat chuan hremna pek theih a ni.

He thupek hi mipui himna tur leh hriselna vawn ṭhat nan tihchhuah a ni.