2339/2026-2027

Lawngtlai, 24th September 2026: Vawiin khan Lawngtlai District Level Anti- Ragging Commitee chuan an Chairman leh Bawrhsap nibawk Pu Donny Lalruatsanga kaihhruaiin a Office Chamber-ah thutkhawm an nei.

Pu Donny Lalruatsanga chuan Member-te chibai bukna neiin Zirna In leh Institution - ah hleihlenna leh inhnualsuatna thleng lo tura hmalak a pawimawh tak zet a ti a. Ragging titawp turin sawrkarin kawng hrang hranga hma a lak thu sawiin, ni 18, April, 2024 khan UCG pawhin State tianah lehkha a thawnchhuak tawh a ni, a ti. UGC lehkha bawhzuia Anti - Ragging Commitee din tur a nih thu sawiin, Zirna In leh Institution - ah te din a nih tur thu a sawi a. Ragging - hian taksa leh rilru lamah harsatna tam tak a thlen thin a, a pawi em em tiin, ragging awmlo turin School, College leh Institution- ah theihtawp chhuah a tul hle a ti a. Bawhrsap chuan Lawngtlai District chhunga Zirna In leh Institution - ah Ragging thleng lo tura District Administration in theihtawp a chhuah tur thu sawiin, Awareness pawh uar zawka kalpui a nih thu thu a sawi bawk.

Thutkhawmah hian thil pawimawh tak tak sawiho a ni a. Tun dinhmunah Lawngtlai District- chhunga School, College leh Institution- ah 'ragging' sawi tur em em a awm lo nia an hriat thu ngaihthlak a ni a. Residential School leh Institution - ah erawh thleng palh thei a nih pawmin, uluk zawka enfiah ni se an ti a. Fimkhur leh vengva taka awm reng pawh a tul hle tiin, Head of Institutions leh School - ten admission an pek dawnin 'ragging' ti lo tura intiamkamna neih tir vek ni se, lehkha pawh Commitee hminga pek ni se an ti a ni. District Level Anti- Ragging Commitee- pawhin mit leh beng chhiin, a tul dan angin hmalak chhunzawm zel ni se an ti bawk a ni.

Vawiin hun hmannaah hian Lawngtlai District Level Anti- Ragging Commitee - te an tel kim tha hle a, Bawrhsap chuan lawmthu sawiin hun a khar.