2338/2026-2027

Lawngtlai, 24th September 2026: Vawiin khan Lawngtlai Distrtic Level Monitoring Commitee on National Mission on Natural Farming (NMNF) chuan an Chairman leh Bawrhsap nibawk Pu Donny Lalruatsanga kaihhruaiin DC Conference Hall- ah 'Tentative Clusters, CRPS and BRCS for the year 2026-2027' chungchang sawihona neih a ni.

Pu Donny Lalruatsanga chuan sawrkarin Lo neitute hamthatna turin theihtawp a chhuah thin a, hemi kawngah hian Lawngtlai District - ah pawh theihtawp chhuah mek zel a ni, a ti. Loneituten hlawkna tak tak an neihna tur te, thlai chin leh enkawl dan tha zawk a bik takin 'Natural Farming' hlawhtlinna turin Community Resource Person (CRP) leh Bio - Resource Centre (BRC) an pawimawh hle tih sawiin, Lawngtlai District- tana tangkai taka thawk turin a chah a. Bawrhsap chuan sawrkarlaipuiin National Mission on Natural Farming (NMNF) a kalpui mek chu a taka hlawhtlinna hmuh a nih theih nan a theihtawp chhuah turin line Department - te a chah nghal bawk.

Thutkhawmah hian Farming Clusters, CRPS leh BRCS kalpui dan tur thlangpui ngaihthlak a ni a. Lawngtlai District- a khua - 35 ah Cluster - 15 kalpui tura ruahmanna siam a ni a. Khaw thlanchhuahah hian Community Resource Person (CRP) an awm vek dawn a, Bio- Input Resource Centre (BRC) hi RD Block pali- Lawngtlai, Chawngte, Sangau leh Bungtlang South ah te a awm dawn bawk a ni.

Vawiin thutkhawmah hian Lawngtlai Distrtic Level Monitoring Commitee on National Mission on Natural Farming (NMNF) Member- te an tel kim tha hle a, Bawrhsap chuan lawmthu sawiin hun a khar.