2337/2026-2027

Dated Serchhip, the 24^th September: Vawiin khan Serchhip District Sponsorship and Foster Care Approval Committee (SFCAC) chu an Chairman Serchhip District Deputy Commissioner Pu Paul L. Khuma hovin DC Chamber-ah an thukhawm a, kum 2026-2027 chhunga Serchhip District chhunga naupang harsa zual chhawmdawl ngai mi 150 te hnena Child Protection Services (Mission Vatsalya), Women & Child Development hnuaia chhawmdawlna (Sponsorship), thla khata naupang pakhat tana cheng 4000 pek tura ruahman chu sawi ho niin committee chuan a pawmpui a ni.

Meeting-ah hian District Child Protection Officer Pi R. Lalramdinmawii, Child Welfare Committee Chairperson Pi Lalthlamuani, MHIP Serchhip Sub-Hqrs President Pi Lalhmunsangi leh Protection Officer (Non-Institutional Care) Pu Zomuanpuia te an tel a ni.