1585/2026-2027

Lawngtlai, 30th July 2026: Vawiin khan 'Lawngtlai District Level Committee on Dharti Mata Bachao Nigrani Samiti' chuan an Chairman leh bawrhsap nibawk Pu Donny Lalruatsanga kaihruaiin a Office Chamber- ah thutkhawm an nei.

Pu Donny Lalruatsanga chuan kalkhawmte chibai bukna neiin, Lo neitute hmasawnna tura theihtawp chhuah mek zel a nih thu a sawi a. Khet Bachao Abhiyan hnuaiah Farmers-  ten leilung humhalh, chemical fertilizer dik taka hman, lei humhalhna tura  hriatna  pek te leh Organic Farming tihchangtlun te  chu 'Dharti Mata Bachao Nigrani Samiti tum ber a ni, a ti. Lawngtlai District- ah lo neiha eizawng engemaw zat an awm a, chutiang miten hlawk zawka thlai an thar theihna tura hmalak a pawimawh hle tih tarlangin bawrhsap chuan District Level Committee - te theihtawp chhuah turin a chah nghal bawk.

Pu Caleb Vanlalrinngama, ADAO chuan hmalak tawhna report pekna a nei a. Thutkhawm chuan Organic Farming - mumal taka kalpui turin 'Action Plan' leh 'Training Schedule' fel fai tak  siam ni se, chumi mila hmalak ni se tiin 'Awareness Campaign' pawh a tma thei ang bera neih ni se an ti a. Fertilizer (leichi) a license - neilo ten dan lova zawrh leh hralh a awm lohna turin, District Magistrate kaltlangin Prohibitory Order' tihchhuah ni se an ti a ni. Lo neitute hamthatna turin sawrkar Schemes hrang hrangah a theih ang anga thawhhona awm tura hmalak ni se an ti bawk a ni.

Vawiin hun hmannaah hian 'Lawngtlai District Level Committee on Dharti Mata Bachao Nigrani Samiti' Member- te an tel kim tha hle a,  Pu Donny Lalruatsanga chuan lawmthu sawiin hun a khar.