1586/2026-2027

Aizawl, the 30th July, 2026: All India Radio Aizawl kum 60 tlin lawmna pualin chibai ka buk vek a che u.

All India Radio hian kum 60 chhung zet mai thahnemngai takin chhum lo chat lovin mipuite rawng a bawl a. Mipuite hnena thuthar thlentu leh awmtleitu pawimawh ber tun thlengin a la ni zel a ni.

Din a nih atangin thu dik leh rintlak thehdarhtu fawng pawimawh tak a ni a. Mizoramin ram buai leh hun khirh tak a hmachhawn lai pawhin mipuite tana thuthar dik leh rintlak hriattir kawngah All India Radio-in tha takin hna a thawk thin a. Tun thleng hian mipui tan a tangkai dan a la danglam lo a ni.

All India Radio hi thu thar pungzartu mai a ni lova, hnam ziarang leh nunphung humhalhtu a ni fawm a. Tunlai thiamna hmang tangkai chung zelin chhuan hrang hrangte hnen a thleng thei zel a. Prime Minister zahawm tak Pu Narendra Modi an thla tin ram mipuite hnena thuchah a sawi thin 'Mann ki Baat' programme pawh episode tam tak All India Radio-in a ti chhuak tawh a. India hmarchhakah pawh Radio programme hi tawng hrang hrang hmanga pek chhuah thin a ni a, khawpui tluk zetin thingtlang kilkhawr bera cheng ten an tangkai pui thin hle a ni.

He ni chhinchhiah tlak tak a lo thlen hian All India Radio Aizawla thawktu zawng zawngte chibai ka buk che u a. In inpekna leh rawngbawlna hian duhsakna sang ber a phu em a, Diamond Jubilee pual zahna chibai ka buk vek a che u. 

Khawvel hmasawn chak tak karah hian mipuite thu thar hrilh, zirtir leh awm tlei kawngah tha takin thawk chhunzawm zel u la. Tun aia hmasawn, thil thar thlen leh tha zawk ni tura theihtawp chhuah turin duhsakna ka hlan a che u.