413/2026-2027

Lawngtlai, 7th May 2026 : Vawiin khan Pu Donny Lalruatsanga, Lawngtlai Bawrhsap leh Chairman, District Level Government Land Authority nibawk kaihruaiin DC Conference Hall- ah thutkhawm an nei.

Pu Donny Lalruatsanga chuan thutkhawm chhan siawfiahin, sawrkar ram zawng zawng GAD - in an neih leh enkawl tawh thu a tarlang a. Sawrkar ram neih zau dan in anglo tak tak awmin, heng ramte hi a mamawhtu department- ten an hman tangkai dan kawng dap a ni, a ti a. Department - ten ram hman tangkai loh an neihte a awm a nih chuan a mamawhtu hnena hlan chhawn a nihin, sawrkar tan hmalak a awlsam dawn tiin, mahni department theuhah lo enfiah turin a chah a ni.

Thutkhawmah hian Head of Department - ten ram an neih dan tlangpui sawizauna an nei a. Tun dinhmunah ram awl a vang hle tih tarlan a ni a, chutih rualin ram mamawh Department - an awm a nih chuan theih ang ang hmalak pui ni se an ti a ni.

Vawiin thutkhawmah hian Lawngtlai District - a Head of Department - te leh Sr. Revenue Officer, LADC- te an tel thei a, Pu Donny Lalruatsanga chuan lawmthu sawiin hun a khar.