412/2026-2027

Aizawl the 7th May, 2026: Vawiin khan 4th State Monitoring Committee on PM Vishwakarma Scheme chu Secretariat Conference Hall-I, MINECO ah, Commerce, Industries, Geology & Mining Department Secretary Dr. H.Lianzela hovin neih a ni a. He meeting ah hian line department hrang hranga official te, SLBC Coordinator, District hrang hranga Deputy Commisioner, DCIO leh Lead District Manager te an tel a ni.

Dr H Lianzela chuan Loan chungchang nasa lehzuala artisans (kut themthiamna neite) hnena zirtir a ngaih thu sawiin Training Centre-te District Headquarters ah mai ni lo, khaw dangah te pawh a theih chin chinah hawn belh dan ngaihtuah ni se, a ti a. He scheme hi a hlawhtlin theih nan line department zawng zawng te nena tanruala thawhhona tha neih a pawimawh hle a ni, a ti.

Pi H.Lalchhandami, Joint Secretary, Commerce, Industries, Geology & Mining Department, Govt. of Mizoram Nodal officer ni bawk chuan scheme chungchanga hmalakna te a tarlang a. Tun dinhmunah hian mi 11082 inziaklut tawhin heng zinga 3397 hian Stage-3 an paltlang tawh a ni. Basic skills training zo tawh hi mi 1373 niin, toolkit dawng tawh mi 139 an awm tawh a, loan sanction tawh zat hi 102 niin, mi 51 hnenah pek an ni tawh bawk a ni.

Meeting-ah hian Scheme-a harsatna tawh hrang hrangte leh hmalak dan tur sawi ho niin harsatna te sut kian dan tur ngaihtuah ho ani PM Vishwakarma scheme kal zel dan tur sawiho a nih bakah tun aia nasa zawka kut themthiamna nei ten an chhawr theih dan tur te sawi ho tel a ni bawk. PM Vishwakarma Scheme hnuaia hlawhtlingte chanchin (Success Story) Serchhip District atangin ngaihthlak a ni bawk.

PM Vishwakarma scheme hi India ram pumpuiah September Ni 17, 2023 ah Prime Minister Narendra Modi chuan a hawng a. He scheme hi kut themthiamna nei bik Trade 18 te- Puan thui, lu met, bel vawtu, thirdeng/thirchher, basket maker, naute lem siam, thing leh lung mistiri leh a dangte dawmkanna atana siam a ni.

He scheme  hian  basic leh advance Training te, loan pung tlem zawk leh an trade a zira bungrua Rs 15,000/- man hu dawn theihna a keng tel a. He scheme atana Nodal Department chu Commerce, Industries, Geology & Mining Department a ni.