2365/2026-2027

Dated Lawngtlai, 25th September 2026: Vawiin chawhma dar 11:00 AM khan District Bawrhsap leh Chairman   'District Level Implementing Committee on Mission Shakti' nibawk Pu Donny Lalruatsanga kaihhruaiin DC Office Chamber-ah  'Activities for 3rd Quarter' thlirhona neih a ni.

Pu Donny Lalruatsanga chuan District Level Implementing Committee memberte hnenah lawmthu sawiin Mission Shakti- chu hmeichhiate himna leh hamthatna atana hmalakna pawimawh tak a ni, a ti a. India ram mai ni lovin Mizoramah ngei pawh hmeichhiate himna tura hmalak a hun tawh tak zet a ti. Bawrhsap chuan Mission Shakti chu Lawngtlai District- ah hlawhtling taka kalpui a nih theih nan 'Line Department' zawng zawngten mahni zawnah theuh theihtawp chhuah tura chahin, Tlawmngai Pawl, VC leh Kohhrante pawh an theih ang anga tawiawm turin a sawm nghal bawk.

Pi Lalmalsawmi, District Programme Officer, WCD Lawngtlai chuan report pe in, Mission Shakti hnuaia 3rd Quarter Activities- tur hrang hrang chhawp chhuaka sawifiahna a nei a. Chhungte chu

(1) BBBP hnuaia Project Genesis- Nu naupai ANC lak leh Institutional Delivery - a nau an neih ngei theih nan a hmalakna tur- Gift Hamper, Hoarding/Sunboard Deliver Point-4 a tar, Pamphlets/IEC Materials sem leh AWC Level a Awareness neih.

(2) Project Thaichawni Nu- Mizoram sawrkar, Women & Child Development (WCD) Department leh Mizoram Postal Division- te ṭangkawp a, India sawrkar flagship scheme Beti Bachao Beti Padhao (BBBP) hnuaia hmeichhe naupangte kum 10 hnuailam tana hamṭhatna leh chawikan nana an duan bik atan Community/AWC Level a awareness leh Outreach activities neih.

(3) PMMVY Drive - Nu fa pakhat neihna leh Fa pahnihna a hmeichhia neite tana hamthatna siam chu AWWs/ASHA/ANM leh Concern Department te nen tangdung a enrolement leh Awareness neih kawnga hmalak.

(4) Girl Child/BBBP - 'Obervation of International Day of the Girl Child' Dt.11/Oct./2026 hman.

(5) Gender-Bases- Violence (GBV)- 25th November, 2026 'International Day for the Elimination of Violence Against Women' hman te a ni.

District Level Implementing Committee on Mission Shakti chuan 3rd Quarter Activities leh budget chhawpchhuah chu a pawmpui nghal a ni.

Thutkhawmah hian  'District Level Implementing Committee on Mission Shakti' Member- leh Line Department hrang hrang aiawh leh NGO an tel thei a, Bawrhsap chuan lawmthu sawina neiin hun a khar.