2366/2026-2027

Dated Aizawl, 25th September 2026: Vawiin khan Committee Room, Planning & Programme Implementation Department-ah User Acceptance Testing for Pension Module in IFMIS  chu Finance Secretary Pu Ramchuana hovin neih a ni.

Secretary Pu Ramchuana chuan khuhhawnna thu sawiin IFMIS hi hman tan a nih atangin nasa takin hma a sawn tawh a, tih changtlung zel pawh tum mek a ni tih a sawi a. Finance Ministry (central) atang langtlang tak leh felfai taka sum hman (fiscal transparency and efficiency) an rawn ngai pawimawh chho em em a, State level-ah pawh hetiang hmasawnna siam nan SASCI hmangin incentive hi Part- IV hnuaiah a rawn dah a ni tih a tarlang. IFMIS pawh hian pension module a neih a tul a, pension settlement chungchangah hnathawh a awlsam phah lehzual nan manual aia automate theihna system a awm hi a tha hle a ni, a ti.

Hemi zawh hian Pu Lalhmingmawia Sailo, Additional Secretary, Finance Department chuan thu a sawi bawk a, Pension requirement leh testing hi DLFA&P, A&T leh Treasury Office lamah te neih an ni tawh tih a sawi a, uluk taka system hi duan ni mahse, Pension case hi thil awlai tak a ni lo a, siamthat ngai emaw a awm a nih chuan, LIVE hnuah pawh improve zel theih tur a nih thu a sawi.

Pu Chawngsangliana, Jt. Director, DLFA&P chuan report pein pension chunchanga requirement leh on-site testing vawi li lai an lo neih pui tawh thu a sawi.

IFMIS tih changtlung nan leh pension related file hman a puih theih na tur system Pension Module IFMIS-ah siam a ni a. Mamawh ang hrang hrang (requirements) te Directorate of Local Fund Audit, A&T leh Finance Department atang lak fel hmangin he system hi duan leh siam a ni. He hunah hian Finance Department atang Fiscal Management Wing, Audit Pension Fund leh Accounts & Treasuries hotute an tel a ni. Hun hlawktlak tak hmangin, LIVE thuai tura hmalak ni se tiin committee hi tihtawp a ni.