274/2026-2027

Lawngtlai , the 24th April, 2025 : Vawiin chawhnu dar 11:00 PM khan District Level Monitoring Cell Committee, Lawngtlai District chu Bawrhsap Pu Donny Lalruatsanga kaihhruaina hnuai ah DC Office Chamber, Lawngtlai ah an thukhawm.

Bawrhsap Pu Donny Lalruatsanga  chuan member kalkhawmte hnenah lawmthu a sawi. Bawrhsap chuan LPG leh POL hi tun dinhmunah chuan Central leh State Advisory a kal mek kan ni a. Tun din hmun ah report a lan danah Lawngtlai District ah POL bik ah hman sen loh kan nei a, LPG ah pawh harsatna lian tham lutuk a awm lo a ni a ti. Chuti chung chuan vawiin ni a kan ngaihtuah ngai ber chu mipuiin harsatna kan tawk em tih hi a ni a ti.

Thutkhawm ah hian Pu Lianchhuma Chinzah, Member Secretary & DCSO, Lawngtlai District chuan tun dinhmun ah Petrol & Diesel ah litres nuai khat chuang Lawngtlai District ah stock a awm reng a ni a ti a. LPG bikah hian tunlai in DAC thleng thei lo hian mipui leh Agency lamah harsatna a siam deuh a, LPG Stock erawh a awm tha tih thu a sawi. Thutkhawm na ah hian LPG bika DAC lama harsatna awmte Bawrhsap in thuneitute lamah lehkha leh tawngka a biak a nih tur thu ngaihthlak a ni.

Thutkhawm ah hian SDC - I&II, Inspector, Legal Metrology Department, President, DCPA, Manager, M/S Khuma Gas Agency leh AMPEDA Sub-Hqr aiawh an tel a, Bawrhsap chuan lawmthu sawiin thutkhawm hi a khar a ni.