275/2026-2027
Lawngtlai, 24th April 2026 : Nimin khan Social Welfare Department bultumin Primary Health Centre, Bungtlang South-ah Rualbanlote tan (PWDs) ' Health Camp' neih a ni.

Pu Lalthanzuala, BDO Bungtlang South chuan khaw hrang hrang atanga hriselna ngaipawimawh a, Health Camp- chhim tura lo kal zawng zawngte hnena lawmthu sawina a nei a. Sum tam tak seng a, Health Camp- buatsaihtu Social Welfare Department leh Health Department - te inpekna avanga Health Camp- neih theih a nih thu tarlangin, hma lak hunah pawh thahnem ngai taka thawk zel turin a fuih a.

Health Camp - hlawhtling takal neih a nih theih nan a zau thei ang bera mipuite hnenah hriattirna tichhuah a nih thu sawiin, VC leh khawtlang mipuite thawhpuinaah lawmthu a sawi bawk.

Health Camp- ah hian khaw- 34 atangin mi- 184 an inentir thei a, heng zinga mi- 124 te chu Rualbanlo (PwD's) a finfiah niin, heng finfiahte hnenah hian PwD Certificate - hlan nghal an ni.

Health Camp- neihnaah hian, Dr. Zoremmawii, Ophthalmology, Dr. Jacob Laldinpuia, Orthopedic, Dr. Malsawmtluangi, Psychiatrist, Lalrinzuali Ralte , Audiologist / AA, Lalfakawmi Khiangte, Optometrist /OA, Dr. Lalawmpuia, Clinical Psychology, ten an telpui thei a ni.