Lirthei 10mt aia rit tan Tuivai Lei zawh khap
276/2026-2027
Dated Aizawl the 24th April, 2026 : PWD Sr. Executive Engineer chuan mipuite him zawk nan Unity Bridge (R. Tuivai Lei) hi lirthei 10mt (Metric ton) aia rit tan zawh a khap.
Unity Bailey Bridge (Temporary bridge), Tuivai lui kantu, Manipur leh Mizoram inkalpawhna Lei pawimawh tak NH-150 chhunga mi hi, hawn a nih atangin a Lei chunglama Motor lian khuahkhirhna tur thir khamphei (Horizontal bar) siam a nih hma atangin, Motor lian Balu huh (wet sand) phur ten an zawh nasa hle tih hriat a ni a. August 2025 thla atanga April 2026 thleng thla tin Lei enfiah a ni a, Lateral Sway hian GRSE Manual Clause B. 4: "Chapter of Inspection, Testing, Preservation, Maintenance"-in lei inthen (sway) khuahkhirhna (restriction) a siam a pel tih hmuhchhuah a ni.
Uluk taka Lei enfiahna record zawng zawngt thlir ho a nih hnuin, April ni 17, 2026 a Engineer-in-Chief, PWD ho a meeting chuan Lei (Bridge) paltlang motor tlan thei rih zawng chu 10MT ah tih hniam ni se tiin a rel a. Hei hi Lei daih rei nan leh Lei hmangtute him zawk nan a tih a ni.
PWD Sr. Executive Engineer chuan Gazette of India Extraordinary dated 16th September, 2019 S.O. 3293(E) sl no. 2 hmangin Control of National Highways (Land and Traffic) Act, 2002, Section 33, 36 & 43 leh MoRTH aiawh in Section 35 tlawhchhanin, Unity Bridge (R. Tuivai Lei) chu lirthei eng chi mah 10mt (Metric ton) aia rit tan zawh khapna thupek chu April 23, 2026 khan a tichhuak a. He thuphek hian chhuah nih atanga thla khat (one month) chhung a huam ang.
