1271/2026-2027 

Lawngtlai, the 2nd July, 2026 : Vawiin chawhnu dar 2:00 PM  khan Deputy Commissioner, Lawngtlai Office Chamber- ah Bawrhsap Pu Donny Lalruatsanga kaihhruaiin Lawngtlai District Level Monitoring Committee - chuan MOVCD-NER Phase-IV hmalakna thlirhona neiin an  thutkhawm.

Pu Donny Lalruatsanga chuan member kalkhawmte hnenah lawmthu a sawi a. Kuthnathawktuten  hlawk zawk leh awmze nei zawk a 'Organic farming'  an kalpui theihna tur te, eikhawp ngawr ngawr chauh thar thin te pawhin an thlai thar te hralh suma an chantira, sum lakluhna tha zawk an neih theihna tura sawrkarlaipui ruahmanna a ni tih a tarlang a. A bik takin Phawngpui Spices Producer Company - te thawhrimna chu fakawm tiin, thawkrim leh zuala nikum aia tam zawk tharchhuak turin a fuih bawk a ni.

Pu Zothanmawia, Yoshowati Bio- Multitechs leh Pu Malsawmtluanga, Yoshowati Bio- Multitechs ten report pe in nikum chhung khan Phawngpui Spices Farmer Production Company - hian dry chilli-  6 Matrix Tones an tharchhuah thu sawiin, tunkum ah hian 10 Matric Tones tharchhuah an in beisei a ni. Phawngpui Spicies Farmer Producer Company FPC-  hi Lawngtlai District, Sangau RD block a awm niin khua -  7; Archhuang, Rawlbuk, Siachangkawn, South Lungpher, Tialdawnglung, Vawmbuk-I &II  te niin Farmers 500 an awmin an thlai thar ber hi Mizo Chilli a ni. An hmalak dan leh hmalak zel dan tur report an pe bawk a ni.

Thutkhawm ah hian Lawngtlai District Level Monitoring Committee Member - te an telkim tha hle a, Bawrhsap chuan lawmthu sawiin thutkhawm hi a khar.