361/2026-2027

Lawngtlai, 4th May 2026: Vawiin khan Lawngtlai District Level Solid Waste Management Committee chuan an Chairman leh Bawrhsap nibawk Pu Donny Lalruatsanga kaihhruaiin a Office Chamber-ah thutkhawm an nei. 

Pu Donny Lalruatsanga chuan kalkhawmte hnena lawmthu sawina a nei a. Bawlhlawh paih fimkhur tawk loh vangin Environment-  tichhiatna nasa tak awm mekin Supreme Court hial thlengin, Supreme Court - in State tinte hmala tura a tih angin thutkhawm neih a ni,  a ti a. Solid Waste - sawngbawl danah District - ah hmalakna tur kawng hrang hrang duan thar a ngai a, chawlhkar hnih  chhunga hmalakna tura ruahmanna siam tur niin, Chief Secretary hnenah thehluh leh tur a ni ang a ti. Bawrhsap chuan hun tlemte chauh a awm avangin chak taka hmalak a ngai tih tarlangin, mawhphurtute theihtawp chhuah turin a chah nghal a ni. 

Thutkhawmah hian thil pawimawh tak tak sawiho a ni a. District, Block leh Village Level- a Solid Waste Enforcement Commitee din tura tih a nih angin, a hma lamin din ni se an ti a. Mipuite hnena atul anga inzirtirna puanzar hna chu DIPRO, leh IPRO, LADC leh CADC - te kutah dah a ni a . Zirna In lama hmalakna turah DEO, leh LADC leh CADC- a  Education Department - te ruat an ni.  Village Level- a bawlhhlawh paih  leh sawngbawl  dan lo enpui tur leh a tul anga lo puihbawm turin  - Sanitation Officer leh LAO LADC,CADC te ruat an ni.  Hmalakna hrang hranga report thehluhna turin (District Level Reporting Authority)  atan - SDC -III, ruat  a ni bawk.  District/ Village Level Action Plan on Solid Waste Management - chu DPO, UD&PA kutah dah a ni a, District/Block Level Grievance Redressal Commitee - din ni se tih a ni bawk.  

Vawiin thutkhawmah hian state sawrkar leh LADC - a Line Department hotute, Village Council aiawh leh MJA Lawngtlai te an tel thei a, Pu Donny Lalruatsanga chuan lawmthu sawiin hun a khar.