Kum 2009 a Lawngtlai District Level Standing Committee hmasaber chu vawiin khan Pu C. Ralkapa, Dy. Commissioner, Lawngtlai kaihhruaina hnuaiah neih a ni a. Meeting hawnna thu sawiin MLA inthlan tluang taka neih theih a ni chu lawmthu sawiin, thawhhona that vang a ni a ti. Special Summary Revision of Photo Electoral Roll neih mek chungchang sawiin, kum tling dik tak chauh dah luh nise a ti. Hemi rual hian E-Roll a telh tlak loh leh kum tlinglo chu huai taka paih ngam nise a ti bawk.
Hawnna thu a sawi zawhin meeting agenda te chu Pu VL Hruaizela, Election Officer, Lawngtlai-in a chhiarchhuak a. Meeting-ah hian E-Roll Revision chungchangte sawiho a ni. Member kalkhawmte ngaihdan thlirho niin, Booth Level Agents ruat thar tur chungchangah pawh political party hruaitute nen sawiho a ni bawk.
