Vawiin chawhnu dar 1:00 hian Lawngtlai District Level Standing Committee on Election chu DC’s Conference Hall ah an thukhawm a, kan hma lawk election lo awm tura thil pawimawh hrang hrangte an sawi ho.

Vawiina District Level Standing Committee hian Model Code of Conduct, Poster leh lehkha tar chi thil, intihhmingchhiatna lam thil, Pawisa leh zu diklo taka len tir, Silai khuahkhirh, Zu khuahkhirh leh Cr.PC 107 na anga dan leh thupek kenkawh lam thil bakah Lawngtlai District chhunga Polling Station thlithlai ngai bik pasarih chungchang te leh phur zawka mipuiten vote an thlak theih dan tur chungchangte sawi ho a ni.

Committee Chairman hi Lawngtlai District Bawrhsap, District Election Officer ni bawk Pu J. Hmingthanmawia, MCS niin Election Officer Pu V. Lalremliana chu Convener a ni a, Lawngtlai District Superintendent of Police Pu B. K Singh bakah District huam chhunga Election thila nihna pawimawh tak tak chelhtu officers te, Political Party aiawhte, tlawmngai pawl aiawhte chu memer niin vawiin Committee hi thutkhawm vawikhatna ah hian member 24 zet an kal khawm a ni.