4212/2025-2026

Lawngtlai, the 29th January, 2026 : Vawiin chhun dar 12:30 PM khan DC Conference Hall, Lawngtlaiah Bawrhsap Pu Donny Lalruatsanga kaihhruaiin 'District Level Task Force Immunisation' thut khawmna neih a ni.

Pu Donny Lalruatsanga chuan member kalkhawmte hnenah lawmthu sawiin Lawngtlai District chu a zauin inkalpawhna kawng a tha lo hle a, thawktu indaih lohna lo awm bawk nen immunisation- ah sang a har hle a,chutih rualin theih tawpa hmalak a ngai a ni, a ti. Immunization lamah chak taka hmalak tum a nih thu tarlangin, thawhhona tha tak a awm theih nan ruahmnna siam zel a ni ang a ti bawk.

He meeting- ah hian Dr.Remlalnghaki, DIO chuan HPV Vaccine - chungchang sawifiahna a nei a. HPV Vaccine chu single dose niin chhul hmawr Cancer venna a ni, a ti a . Hmeichhe naupang kum 14 tling tawh kum 15 la tling chiah lo te hnena pek tura ruahman a ni a, thla thum awareness pek phawt a ni ang a, campaign Mood- a kalpui phawt tur niin PHC leh CHC Doctor te thut chilhna hmunah pek hmasak a nih tur thu a sawi a. Chumi hnuah chuan routine immunisation anga kalpui leh tur a ni ang a ti. Lawngtlai District- ah target - 1758 awmin, HPV vaccine hmang hian kum 2030 ah chhul hmawr Cancer tih bo tum a nih thu a tarlang bawk. HPV vaccine- hi private ah chuan Rs.4000 niin PHC leh CHC ah chuan a thlawnin vaccine a lak theih dawn a ni. Lawrence Chakma, JSI R&T Foundation chuan 'Antigen Wise Coverage of Lawngtlai District' sawizauna neiin Dr.PC Vanlalhlui, Consultant RRT, WHO, Lawngtlai District chuan 'Zero Doser ' chungchang hrilhfiahna leh sawifiahna a nei bawk.

Tun dinhmunah April, 2025 - December,2025 ah Lawngtlai District ah Fully Immunized Child(FCI) 57% awmin, Febuary leh March thla chhunga 80%- 90% kai thei tura hmalak tlan nise an ti a ni.

Bawrsap Pu Donny Lalruatsanga chuan lawmthu sawiin meeting a khar a ni.