4213/2025-2026

Lawngtlai, the 29th January, 2026 : Vawiin chawhma dar 11:00 AM khan DC Conference Hall, Lawngtlaiah Bawrhsap Pu Donny Lalruatsanga kaihhruaina hnuaiah District NCORD leh Operation Jericho- thutkhawmna neih a ni.

Pu Donny Lalruatsanga chuam member kalkhawm te hnenah lawmthu sawiin ruihhhlo do leh supply tih tlem beihpui thlakna kawngah Sawrkar leh NGO thawhona zarah a hlawhtlinna hmuh mek a ni, a ti a. Hmasawnna tha tak a awm avangin lawmthu a sawi a ni. Kum thar ah pawh hmalakna tur tam tak a awm dawn a, Operation Jericho pawh March thla thleng pawh sei a ni a, inlungrual taka kan district a ruihhlo leh damdawi kian zel theih nan NGO- te sawrkar thawhpui zel turin a sawm nghal a ni.

He meeting ah hian Police Department, Excise Department, DRS,CYLA, LWA, MHIP leh Assam Rifle atangin NCORD leh Operation Jericho a an hmalakna hrang hrang report ngaihthlakna neih a ni.

He meeting ah hian hmalak zel dan tur hrang hrang sawiho niin, Febuary 2026 chhung hian Rescue Centre leh Dropping Center te tlawh a enfiah nise tih a ni a, Pharmatical Drug control a nih theih nan DC, CMO, CYLA meeting neih nise ti a ni bawk. Police leh Excise ten Lunglei leh Kawlchaw lam Sumo surprise checking neih thin nise tih niin CYLA hnuaia DRS te mumal taka an kal leh theih nan Deputy Commissioner leh CYLA hruaitute in biakna neih nise tih a ni bawk. COTPA Act hmanga hmalakna atan Department Office, NGO Office leh Zirna In ah te Signage tar vek nise tih a ni bawk.

Bawrhsap Pu Donny Lalruatsanga chuan kalkhawm te hnenah lawmthu sawiin meeting a khar a ni.