4214/2025-2026

Aizawl, 29th January, 2026 : Vawiin khan Mizoram State Cooperative Union (MSCU) Board of Directors chu an President Pu K.Lalchamreia kaihhruaina hnuaiah MSCU Meeting Room, Dawrpui-ah an thukhawm.

Meeting-ah hian MSCU BoD thutkhawm hnuhnung ber September ni 2, 2025-a an thurel bawhzui a nih dan an thlirho a, meeting thurel hlawhtlingb tak leh chak taka bawhzui a ni chu lawmawm an tih thu an sawi a ni.

Vawiin thutkhawmah hian Mizoram Contract Employees Regularisation Scheme, 2008 zawm ve chungchang ngaihtuah niin uluk zawka ngaihtuah that leh tulin an hria a, hei bakah hian an staff thenkhat tunhnaia dah nghehte promotion chu an pawmpui a, MSCU bungraw hlui items 22 Rs. 1,51,309/- hu chu write-off an remti bawk a. Junior Cooperative Training Centre (JCTC), Aizawl Chawlhhmun venga mi chu Institute of Cooperative Management (ICM) leh (convert) tura hmalak mek a nih avangin, hemi atana tul leh pawimawhte zirchiang turin Board of Directors te chu Institute of Regional Cooperative Management (IRCM), Kalyani, Kolkata a tirh nise an ti a, hetih rual hian West Bengal State Cooperative Union hnathawhte zirchian pah ni bawk se an ti a ni.

Mizoram State Cooperative Union hi kum 1975 khan Registration No.B.1/74-75 Dt.29.03.1975 hmanga din a ni a. MSCU hnuaiah hian Board hrang hrang 13 a awm mek a, Serchhip leh Kolasibah branch an nei bawk a ni.