4446/2025-2026

Lawngtlai, 12 th February, 2026 : Vawiin chawhnu dar 1:00PM khan DC Conference Hall - ah Lawngtlai District Level Vibrant Village Programme - II (VVP-II) member-te an thukhawm a, Pu Donny Lalruatsanga, District Bawrhsap chuan kaihruaiin Lawngtlai District chhunga VVP-II kalpui dan tur relho a ni.

Pu Donny Lalruatsanga chuan Vibrant Village Programme chu India ramri hrula khaw awmte chawikanna tura ruahmanna niin khaw pilril lutuk nia an inngaihna atanga kawng hrang hranga hmasawnna thlentir a, khaichhuah tumna a ni, a ti. Sawrkar laipuiin kalpui tura a tih ang taka kalpui a pawimawh hle tih a sawi a. Bawrhsap VVP- II ah chuan sawrkar hnathawk te’n an dawhkan atanga hnathawh tur an ruahman ang ni lovin khaw neitu VC leh tlawmngai pawl kalkhawmte ngeiin anmahni khaw mamawh leh tha an tih an thlang dawn tiin, heihian rah tha a chhuah ngei a beisei thu a tarlang bawk.

Pu H. Zonunmawia, Member Secretary leh Project Director, DRDO nibawk chuan Lawngtlai district chhungah khaw 40 thlanchhuah niin khaw pakhat tan kum khatah nuai 300 ruahman a nih thu a sawi a, line department-a thawktute chu he’ng khaw 40-ah hian VVP-II nihphung hrilhfiahna nei pahin khawtlang mipui an inhmuhkhawmpui anga, an khawtlang tana hnathawh tur tha ber nia an hriat an thlanchhuahte chu February 24 2026 hmain district level committee-ah an thehlut ang a, February 27, 2026-ah endikna neiin thutkhawm leh tur a ni.

Vawiin thutkhawmah hian line department official, Assam rifles leh chanchinbu mite telin, zawhna leh chhanna hun hman nghal a ni. Chairman Pu Donny Lalruatsanga chuan lawmthu sawina a nei a, hun hman tihtawp a ni.