4752/2025-2026

Lawngtlai,9th  March 2026: Vawiin chawhnu dar 1:00PM khan DC Conference Hall - ah Lawngtlai District Level Vibrant Village Programme - II (VVP-II) member-te an thukhawm a, Pu Donny Lalruatsanga, District Bawrhsap chuan kaihruaiin Lawngtlai District chhunga VVP-II kalpui dan tur relho a ni a. Pu C. Lalsawmzuala, Chief Executive Member, LADC chuan a telpui.

Pu Donny Lalruatsanga chuan kalkhawmte hnena lawmthu sawina a nei hmasa a. Vibrant Village Programme (VVP) chu India ramri hrula khaw awmte chawikanna tura ruahmanna niin, khaw pilril lutuk nia an inngaihna atanga kawng hrang hranga hmasawnna thlentir a, khaichhuah tumna a ni, a ti.  Bawrhsap chuan VVP- II ah chuan khawtlang neitu VC leh tlawmngai pawl kalkhawmten  anmahni khaw mamawh leh tha an tih an thlang dawn a, hmasawnna tha zawk a awm a beisei awm a ti. Bawrhsap chuan khaw thlanchhuahah kum 5 chhung atan nuai 300 hman tur a nih angin, theihtawp chhuah turin mawhphurtute a chah nghal bawk.

Pu C. Lalsawmzuala chuan Vibrant Village Programme chu mimal taka a ngaihpawimawh thu sawiin, a bik takin District Administration leh LADC- te inkarah lungrual taka thawhhona tha a awm zel a ngai a ni, a ti. CEM chuan VVP- II bikah LADC - ten tangkaina an neih kawngah theihtawp an chhuah tur thu tarlangin, Lawngtlai District - ah hmasawnna tha a awm ngei a beisei thu a sawi.

Pu H. Zonunmawia, Member Secretary leh Project Director, DRDO nibawk chuan chuan report tawi pekna a nei a. Lawngtlai District- chhungah khaw 40 thlanchhuah niin, khaw pakhat tan kum 5 chhung atan cheng nuai 300 ruahman a nih thu a tarlang a ni. BDO theuh ten ruahmanna an neihte chu Committee - in a pawmpui a ngaih thu sawi bawk.

Thutkhawmah hian BDO, Sangau, BDO Lawngtlai, BDO Bungtlang 'S' leh BDO Chawngte ten VVP- II hnuaia ruahmanna an neihte ngaihthlak niin, Line department atangin zawhna leh chhanna hun hman nghal a ni a. BDO-  ten ruahmanna an neihte hi thlitfim a ni leh dawn a ni.

Vawiin thutkhawmah hian Lawngtlai District Level Vibrant Village Programme - II (VVP-II) Member-te an telkim tha hle a, Pu C. Lalsawmzuala (CEM) chuan lawmthu sawina neiin hun a khar.