4751/2025-2026

Lunglei, 2026 Vau thla ni 9: Vawiin khan Mizoram State Commission for Women leh Lunglei District Deputy Commissioner, Superintendent of Police, District Legal Services Authority leh Women & Child Development Department te ṭang kawp huaihawtin Circuit House Conference Hall, Lungleiah hmeichhiate harsatna ngaihthlak leh chin felsakna hun, Mahila Jan Sunwai (Public Hearing) buatsaih a ni.

He hunah hian hmeichhe pariat (8) hnen aṭangin an harsatna thu thlen (complaint) dawn a ni a. A hmunah case 2 chin fel niin, case 6 chu Police leh DLSA-ah dan anga hma lak zui turin thlen chhawn a ni a. Complaint tam zawk hi hmeichhiate chanvo rah behsak leh enkawlna an dawn tur ang an dawn loh chungchang a ni a. Public Hearing-ah hian panel-ah Mizoram State Commission for Women Member Pi Rebeck Lalruatdiki Khiangte, Lunglei District Additional SP Pi Sarah Lalrinkimi, Advocate Pi Lalrindiki Ralte leh Advocate Pi Rashmi Chhetri te an ṭhu a ni.

Public Hearing hi International Women's Day, 2026 lawmna pakhat atan ram pum huapin buatsaih a ni.