5002/2025-2026 

Lawngtlai, the 25th March, 2026 : Vawiin chawhma dar 11:00 AM khan Deputy Commissioner, Conference Hall, Lawngtlai ah District Level Workshop on Handholding Scheme neih niin Dr.Lorrain Lalpekliana Chinzah, MLA & Adviser to Chief Minister chu khuallian niin a hmanpui.

Khuallian Dr.Lorrain Lalpekliana Chinzah,Adviser to Chief  Minister chuan 'District Level Workshop on Handholding Scheme Lawngtlai District' hawnna neiin workshop an nei thei chu lawmawm a tih thu sawiin workshop hmang tura kal zawngte chibai a buk a ni. Lawngtlai District-  a Line Department- te thahnem an ngaiin  an hah hle a, Sokar theih tawp an chhuahpuinaah an chhuanawm hle ani a ti a, an chungah lawmthu a sawi a ni. He Hand Holding Scheme hi Miharsa zawk ten lei rem an rah theihna, miharsa zawk tih tak tak tum, eizawnna duh tan Sorkar Scheme kalpui mek a ni, a ti. Mizoram Sorkar a Line department te hmalakna ah lawmawm hle  a ti a, chutih rualin Lawngtlai District bik hi district hnufual kan ni a, vawiin ni a kan mi leh sa te Hand Holding Scheme kaltlang a an dinhmun kan siam a ngai tiin chumi atan chuan Lawngtlai District hi kan tih chak a ngai ani, a ti. MLA chuan Handholding Scheme  hlawhtlinna tur atana a pawimawh em em chu Bank te an ni a, line department in felfai takin ruahmanna siam mahse, Bank in an pawmpui  tlat loh chuan tih ngaihna awm lo a ni a ti. Bank lam pawh tan la zual a Handholding Scheme kaltlanga loan dilte ngaipawimawh turin a chah a ni. Dr. Lorrain Lalpekliana Chinzah chuan Handholding Scheme hmanga miharsa zawk ten lei rem an rah ngei theih nan Line department leh Bank lam te theih tawp chhuah tlang zel turin a ngen in a sawm bawk a ni.

Pu Donny Lalruatsanga, Lawngtlai Bawrhsap chuan vawiin ni a 'District Level Workshop on Handholding Scheme' neih theih a ni chu a lawmwm hle a, Stake holder kal lkhawmte hnenah lawmthu a sawi a. Bawrhsap chuan Handholding Scheme hi miharsa zawk ten leirem an rah ve theihna tur a sokar ruahman a ni a,  bul tan thar duh tan leh bul tan tawh sa tan pawh bank loan kaltlang a inkhaichhuahna scheme a ni a, Sorkar hmala na êng ah lei rem kan rap chho dawn a ni, a ti. Handholding hi bul tan chauh mah nise, a hlawh na teltu tam tak kan awm a, kan district ah pawh hmalaknna a kal mek a ni a ti. Kan thlen chinah hian hma kan sawn mek zel a, tun platform ah hian a tak tak a ti hlawhtlingtu chu bank te kan ni a, department in ruahmanna te a siam a, an lo recomend te bank atangin verification te neiin  dawng tlak a an ngaih te pek an ni a, Bank lam hi a hnarkaitu tak tak an nih avangin tan la ila, diltu te dawng thei tur a buaipui leh buatsaih hi kan tih tur a ni a ti bawk. Application fello-  te pawh tih felpui dan ngaihtuah hram hram turin kan ngaihtuahna kan sen a ngai a ni,  a ti. Lawngtlai District - ah handholding scheme kaltlang a hlawhtlingna chang turin Sorkar, Line Department leh Bank lamte  hruihrual pawh mar tha turin hruihrual kan pawh tlan vek a ngai a ni a ti. 

He hunah hian Pu H Lallianzuala, MSPCC Member chuan The Mizoram Bana Kaih Scheme 2024 sawifiahna neiin CM Special Pakage Phase-II ah Lawngtlai District bikah 411 Screened, 6 approved niin fund released a awm lo a, Loan Component bikah Phase-II ah dilna submit-10 niin submitted stage-6 a nih thu ngaihthlak a ni. Loan Component (Disbursed Banks) dt.10/05/2026 thleng a Mizoram pumpui ah hetiang hi  pek tawh dan- SBI - Progress Partners-88, Loan Amounts Rs.8,77,34,912,MRB - Progress Partners-272, Loan Amounts Rs.20,68,87,150

MCAB - Progress Partners-44, Loan Amounts Rs.6,02,42,866 tarlan niin, Hanholding Scheme ah Bank Loan component bikah hian kum 18-60 inkar tan dil theih a ni a, cibil Score 700 aia hniam lo tur niin Ration Card pakhat a hming lang zingah pakhat chauh in  dil theih niin englai pawhin a dil theih reng a nih thu ngaihthlak a ni. CM Special Pakage bik ah hian Project in a mamawh dan a zirin Rs.50,000 thleng dil theih anih thu ngaihtlak a ni bawk. Line Department leh Society hruaitute fuihna thu sawiin Loan bikah Scheme thlang thiam turin a chah nghal bawk ani.

Pu Lalhruaizela, SDC in District Monitoring Committee aiawhin Lawngtlai District report pe in tun dinhmunah Loan Component ah Horticulture - Loan Sanction -2, LRSWC Loan Sanction - 1, DVO - Loan Sanction-1, DCIO - Loan Sanction-4, Fisheries - Loan Sanction-1, Sericulture - NIL, Agriculture - Loan Sanction-1 a nih thu ngaihthlakna ni. Pu Soren Lead District Manager, Lawngtlai pawhin Bank Loan chungchang report tawi a pe bawk.

He Workshop hi Pu H. Lallianzuala, MSPCC Member,Pu F.Lalrinenga, MSPCC Member, Pu Nengthianlala, PS to CM (Handholding) ten telpuiin zawhna leh chhanna hun hman a ni a. KCC chungchang inhrilhhriatna NABARD lam atanga ngaihthlak a ni a, 'Demonstation of application Process of Handholding' Screen Play neih niin, DIPRO Office Lawngtlai in Banakaih a hlawhtlingte 'Success Story' video entirna an nei bawk. Dr.Lalmuanpuia Samte, DVO, Lawngtlai in lawmthu sawina hun a hmang a ni.

Vawiin Workshop ah hian Lawngtlai District chhunga Line Department, Bank leh Society hruaitute an tel kim hle a ni.